ഉപഭോക്താക്കൾക്ക് കിടിലൻ സമ്മാനങ്ങളുമായി വോഡഫോൺ- ഐഡിയ, കൂടുതൽ വിവരങ്ങൾ അറിയാം

ഉപഭോക്താക്കൾക്ക് സന്തോഷ വാർത്തയുമായി എത്തിയിരിക്കുകയാണ് പ്രമുഖ ടെലികോം സേവന ദാതാവായ വോഡഫോൺ- ഐഡിയ. ഇത്തവണ സ്വന്തമായി പ്ലേ ലിസ്റ്റുകൾ തയ്യാറാക്കുന്നവരെയാണ് സമ്മാനങ്ങൾ കാത്തിരിക്കുന്നത്. വി ആപ്പ് ഉപയോഗിച്ച് ഏറ്റവും കുറഞ്ഞത് 5 ഗാനങ്ങളുള്ള പ്ലേ ലിസ്റ്റ് തയ്യാറാക്കുന്നവരിൽ നിന്നും വിജയിയെ കാത്തിരിക്കുന്നത് ഐപാഡും ആമസോൺ ഗിഫ്റ്റ് വൗച്ചറും അടക്കമുള്ള നിരവധി സമ്മാനങ്ങളാണ്.

വി ആപ്പിൽ ഏകദേശം 20- ലധികം ഭാഷകളാണ് ഉൾക്കൊള്ളിച്ചിട്ടുള്ളത്. ഈ ഭാഷകളിലെ ദശലക്ഷക്കണക്കിന് ഗാനങ്ങളിൽ നിന്ന് ഏറ്റവും കുറഞ്ഞത് അഞ്ച് ഗാനങ്ങൾ ഉപയോഗിച്ചാണ് പ്ലേ ലിസ്റ്റ് തയ്യാറാക്കേണ്ടത്. ഏറ്റവും പുതിയ ഗാനങ്ങൾ പരമാവധി ഉൾപ്പെടുത്തുന്നത് നല്ലതാണ്. ഇങ്ങനെ തയ്യാറാക്കിയ പ്ലേ ലിസ്റ്റിൽ നിന്നാണ് വിജയിയെ തിരഞ്ഞെടുക്കുന്നത്.

Also Read: ആർബിഐ: പണ നയ അവലോകന യോഗം ഈ മാസം 30 ന് ചേരും, കൂടുതൽ വിവരങ്ങൾ ഇങ്ങനെ

പാട്ടുകൾ ഏറ്റവും കൂടുതൽ തവണ കേൾക്കുന്ന 26 പേരെയാണ് തിരഞ്ഞെടുക്കുക. ഇവർക്ക് ലളിതമായ ചോദ്യങ്ങളും ഏർപ്പെടുത്തും. ചോദ്യങ്ങൾക്ക് ഉത്തരം നൽകിയാൽ ഒരു വിജയിക്ക് ഐപാഡ് സ്വന്തമാക്കാൻ സാധിക്കും. കൂടാതെ, മറ്റ് 25 പേർക്ക് ആമസോൺ ഗിഫ്റ്റ് വൗച്ചറാണ് സമ്മാനമായി ലഭിക്കുക. പരിമിത കാലത്തേക്ക് ലഭ്യമായ ഈ ഓഫർ സെപ്തംബർ 16 നാണ് അവസാനിക്കുന്നത്.