പാലാ: കൊലപാതകശ്രമക്കേസിൽ കുപ്രസിദ്ധ ഗുണ്ട അറസ്റ്റിൽ. ളാലം ചെത്തിമറ്റം ഭാഗത്ത് നാഗപ്പുഴയില്‍ ജീവന്‍ സജി (22) യെയാണ് പൊലീസ് അറസ്റ്റ് ചെയ്തത്. പാലാ പൊലീസ് ആണ് പ്രതിയെ അറസ്റ്റു ചെയ്തത്.
ഇയാള്‍ കഴിഞ്ഞദിവസം സഞ്ചരിച്ച ബൈക്ക് ഓട്ടോയില്‍ ചെന്നിടിച്ച് മറിഞ്ഞതിനെ തുടര്‍ന്ന്, ഓട്ടോഡ്രൈവറുമായി വാക്ക് തര്‍ക്കം ഉണ്ടാകുകയും ഡ്രൈവറുടെ മൊബൈല്‍ ഫോണ്‍ എറിഞ്ഞു പൊട്ടിക്കുകയും ഡ്രൈവറെ കഴുത്ത് ഞെരിച്ച് കൊലപ്പെടുത്താന്‍ ശ്രമിക്കുകയും ചെയ്തെന്ന കേസിലാണ് അറസ്റ്റ്.
Read Also : ടിസിഎസ്: സ്കൂൾ വിദ്യാർത്ഥികൾക്കായി ഐടി ക്വിസ് സംഘടിപ്പിക്കുന്നു, കൂടുതൽ വിവരങ്ങൾ അറിയാം
ജില്ലാ പൊലീസ് ചീഫ് കെ. കാര്‍ത്തിക്കിന്‍റെ നേതൃത്വത്തിലുള്ള അന്വേഷണ സംഘം ആണ് പ്രതിയെ പിടികൂടിയത്. ഇയാള്‍ക്കു പാലാ, തൊടുപുഴ എന്നീ സ്റ്റേഷനുകളിലായി അടിപിടി, കഞ്ചാവ്, മയക്കുമരുന്ന് കടത്തൽ, ബൈക്കില്‍ എത്തി മാല പൊട്ടിക്കല്‍ എന്നിങ്ങനെ നിരവധി കേസുകളുണ്ട്.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments