പെരുമ്പാവൂർ: ഓടക്കാലി കോട്ടച്ചിറയിൽ പ്ലൈവുഡ് കമ്പനിക്ക് തീപിടിച്ചു. ഇന്നലെ പുലർച്ചെ രണ്ടോടെയാണ് ഐഡിയൽ പ്ലൈവുഡ്‌സ് എന്ന കമ്പനിക്ക് തീപിടിച്ചത്. കണ്ടന്തറ ആലിങ്കലിൽ എ.എം. നൗഷാദിന്‍റെ ഉടമസ്ഥതയിലുള്ള കമ്പനിയിലാണ് തീ പിടിച്ചത്.
പെരുമ്പാവൂർ നിലയത്തിൽ നിന്നു സ്റ്റേഷൻ ഓഫീസർ എൻ.എച്ച്. അസൈനാരുടെ നേതൃത്വത്തിലുള്ള സംഘം ഉടൻ തന്നെ തീ അണച്ചതിനാൽ കാര്യമായ നാശനഷ്ടമുണ്ടായില്ല.
സേനാംഗങ്ങളായ ഷാജി സെബാസ്റ്റ്യൻ, എ.എം. ജോൺ, എ.പി. സിജാസ്, എൽദോ മാത്യു, ഒ.എ. ആബിദ്, മണികണ്ഠൻ, കെ. സുധീർ എന്നിവർ ചേർന്നാണ് തീ അണച്ചത്.
Post Your Comments