തിരുവനന്തപുരം: ജില്ലയിലെ കന്യാസ്ത്രീ മഠത്തിൽ നടന്ന പീഡനത്തിൽ നാല് യുവാക്കൾ അറസ്റ്റിലായ സംഭവത്തിൽ കൂടുതൽ വിവരങ്ങൾ പുറത്ത്. അടുത്തിടെ മഠത്തിൽ ചേർന്ന പെൺകുട്ടിയുടെ കാമുകനും സൃഹൃത്തുക്കളുമാണ് പൊലീസിന്റെ പിടിയിലായത്. തങ്ങളെ മദ്യം നൽകി ശാരീരിക ബന്ധത്തിലേർപ്പെട്ടു എന്നാണ് പെൺകുട്ടികൾ മൊഴി നൽകിയിരുന്നത്. എന്നാൽ ഇതിലാണ് ഇപ്പോൾ വഴിത്തിരിവ്.
രാത്രി കന്യാസ്ത്രീമഠത്തിൽ വന്ന് മടങ്ങുന്നതിനിടെയാണ് യുവാക്കൾ പിടിയിലായത്. മഠത്തിന്റെ മതിൽ ചാടിയിറങ്ങിയ യുവാക്കൾ പൊലീസ് വാഹനത്തിന് മുന്നിൽപ്പെടുകയായിരുന്നു. തുടർന്ന് നടത്തിയ ചോദ്യം ചെയ്യലിലാണ് പീഡന വിവരം പുറത്തായത്. കന്യാസ്ത്രീയാകാൻ എത്തിയ പെൺകുട്ടികളെയാണ് പീഡിപ്പിച്ചത്. മൂന്ന് മാസം മുമ്പാണ് ഇതിൽ ഒരു യുവാവിന്റെ സുഹൃത്ത് കന്യാസ്ത്രീയാകാനുള്ള പഠനത്തിന് മഠത്തിലെത്തിയത്.
ഇതിന് പിന്നാലെ ഈ കുട്ടിയുടെ കൂട്ടുകാരൻ മതിൽ ചാടി മഠത്തിൽ എത്തി. ഈ പെൺകുട്ടിയെ കണ്ട് സംസാരിച്ചു. ഇതിന് ശേഷമാണ് മറ്റ് രണ്ടു കുട്ടികളെ കൂടി പരിചയപ്പെട്ടത്. ഇതിന് ശേഷം രണ്ട് കൂട്ടുകാരുമായി നിരന്തരം എത്തി പരിചയത്തിലായി. ഇങ്ങനെ വന്നു പോകുമ്പോഴാണ് രണ്ടു പേർ പിടിയിലാകുന്നത്. ഇതോടെയാണ് പീഡനം പൊലീസിന്റെ ശ്രദ്ധയിൽപ്പെട്ടത്.
ഇതോടെ കുട്ടികളെ ചോദ്യം ചെയ്തു. ഇതോടെ ഇതിൽ ഒരു പെൺകുട്ടിയെ മഠത്തിൽ എത്തും മുമ്പും പീഡനത്തിന് ഇരായായി എന്ന് വ്യക്തമായി. അങ്ങനെ ആ ആളിനേയും പൊലീസ് കസ്റ്റഡിയിൽ എടുത്തു. നാലു കേസുകളാണ് പീഡനവുമായി ബന്ധപ്പെട്ടെടുത്തത്. എല്ലാവരേയും കോടതിയിൽ ഹാജരാക്കി റിമാൻഡ് ചെയ്യും.
Post Your Comments