പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​ക്കു​ നേ​രെ ലൈം​ഗി​കാ​തി​ക്ര​മം : പ്ര​തി​ക്ക് ഏ​ഴു​വ​ര്‍​ഷം ക​ഠി​ന​ത​ട​വ്

പ​ത്ത​നം​തി​ട്ട: പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​ക്കു​ നേ​രെ ലൈം​ഗി​ക​മാ​യി അ​തി​ക്ര​മം കാ​ട്ടി​യ പ്ര​തി​ക്ക് ഏ​ഴു​വ​ര്‍​ഷം ക​ഠി​ന​ത​ട​വും 65000 രൂ​പ പി​ഴ​യും ശിക്ഷ വിധിച്ച് കോടതി. ത​ണ്ണി​ത്തോ​ട് തൂ​മ്പാ​കു​ളം തൈ​പ്പ​റ​മ്പി​ല്‍ പ്ര​കാ​ശി (43) നെ​യാ​ണ് പ​ത്ത​നം​തി​ട്ട അ​ഡി​ഷ​ണ​ല്‍ ജി​ല്ലാ സെ​ഷ​ന്‍​സ് കോ​ട​തി ഒ​ന്ന് (പ്രി​ന്‍​സി​പ്പ​ല്‍ പോ​ക്‌​സോ കോ​ട​തി), ജ​ഡ്ജി ജ​യ​കു​മാ​ര്‍ ജോ​ണ്‍ ശി​ക്ഷി​ച്ച​ത്.

പോ​ക്‌​സോ നി​യ​മ​ത്തി​ലെ വ​കു​പ്പ് 7 പ്ര​കാ​രം നാ​ലു വ​ര്‍​ഷം ത​ട​വും 40000 രൂ​പ​യും ഐ​പി​സി 457 പ്ര​കാ​രം മൂ​ന്നു വ​ര്‍​ഷം ത​ട​വും 25000 രൂ​പ പി​ഴ​യും ആണ് ശി​ക്ഷി​ച്ച് ഉ​ത്ത​ര​വാ​യ​ത്. പി​ഴ അ​ട​ച്ചി​ല്ലെ​ങ്കി​ല്‍ അ​ഞ്ചു​മാ​സം കൂ​ടി ക​ഠി​ന ത​ട​വ് അ​നു​ഭ​വി​ക്ക​ണ​മെ​ന്നും കോ​ട​തി ഉ​ത്ത​ര​വി​ട്ടു. ശി​ക്ഷ പ്ര​ത്യേ​ക​മാ​യി അ​നു​ഭ​വി​ക്ക​ണ​മെ​ന്നും പി​ഴ​ത്തു​ക ഇ​ര​യാ​യ പെ​ണ്‍​കു​ട്ടി​ക്കു ന​ല്‍​ക​ണ​മെ​ന്നും ഉ​ത്ത​ര​വി​ല്‍ പ​റ​യു​ന്നു.

Read Also : പ​തി​നാ​റു​കാ​രി​യെ ത​ട്ടി​ക്കൊ​ണ്ടു​പോ​യി പീ​ഡിപ്പിച്ചു : പതിനെട്ടുകാരൻ അറസ്റ്റിൽ

ക​ഴി​ഞ്ഞ ജ​നു​വ​രി ഒ​ന്നി​നാ​ണ് കേസിനാസ്പദമായ സം​ഭ​വം. കി​ട​പ്പു​മു​റി​യി​ല്‍ ഉ​റ​ങ്ങി​ക്കി​ട​ന്ന പെ​ണ്‍​കു​ട്ടി​യെ വീ​ട്ടി​ല്‍ അ​തി​ക്ര​മി​ച്ചു ക​യ​റി​യ പ്ര​കാ​ശ് ഉ​പ​ദ്ര​വി​ക്കു​ക​യാ​യി​രു​ന്നു​വെ​ന്നാ​ണ് പ്രോ​സി​ക്യൂ​ഷ​ന്‍ കേ​സ്. ത​ണ്ണി​ത്തോ​ട് എ​സ്‌​ഐ ആ​യി​രു​ന്ന ആ​ര്‍. മ​നോ​ജ്കു​മാ​റാ​ണ് കേ​സെ​ടു​ത്ത​ത്. പ്രോ​സി​ക്യൂ​ഷ​ന് വേ​ണ്ടി പോ​ക്‌​സോ സ്‌​പെ​ഷ​ല്‍ പ്രോ​സി​ക്യൂ​ട്ട​ര്‍ ജെ​യ്സ​ണ്‍ മാ​ത്യൂ​സ് ഹാ​ജ​രാ​യി.