കാസർഗോഡ്: സ്‌കൂള്‍ അധ്യാപകന്‍റെ ബൈക്ക് കവര്‍ന്ന കേസില്‍ രണ്ട് യുവാക്കൾ അറസ്റ്റിൽ. നീര്‍ച്ചാല്‍ നാലത്തടുക്ക കുന്നില്‍ പുത്തൂരിലെ എ.എന്‍. അബ്ദുല്‍ഷബീര്‍ (22), ഉളിയത്തടുക്ക എസ്പി നഗറിലെ എച്ച്.അബൂബക്കര്‍ സിദ്ദിഖ് (22) എന്നിവരാണ് അറസ്റ്റിലായത്. വിദ്യാനഗര്‍ പൊലീസ് ആണ് അറസ്റ്റ് ചെയ്തത്.
Read Also : അറസ്റ്റിൽ നിന്ന് രക്ഷപ്പെടാനുള്ള ശ്രമം: ഷാർജയിൽ 2 പേർ കെട്ടിടത്തിൽ നിന്നും വീണു മരിച്ചു
നായന്മാര്‍മൂല ടിഐഎച്ച്എസ്എസിലെ അധ്യാപകന്‍ മുഹമ്മദ് റാസിലിന്‍റെ ബൈക്ക് കവര്‍ന്ന കേസിലാണ് അറസ്റ്റ്. ഒരുമാസം മുമ്പാണ് സ്‌കൂളിന് സമീപം നിര്‍ത്തിയിട്ട ബൈക്ക് മോഷണം പോയത്.
വിദ്യാനഗര്‍ എസ്ഐ കെ.പ്രശാന്തിന്‍റെ നേതൃത്വത്തിലാണ് പ്രതികളെ അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി.
Post Your Comments