പാലാ: വീട് കയറി ആക്രമിച്ച കേസിലെ മൂന്നു പ്രതികൾകൂടി പൊലീസ് പിടിയിൽ. കോട്ടയം അതിരമ്പുഴ കോട്ടമുറി ഭാഗത്ത് മാടപ്പള്ളി ബിബിൻ ബെന്നി (22), കടപ്പൂർ വട്ടുകളം ഭാഗത്ത് പാറക്കൽ റിജിൽ (24), കാണാക്കാരി ആശുപത്രിപ്പടി ഭാഗത്ത് തുരുത്തിക്കാട്ടിൽ ദീപു ജോയി (21) എന്നിവരെയാണ് ജില്ലാ പൊലീസ് ചീഫ് കെ. കാർത്തിക്കിന്‍റെ നേതൃത്വത്തിലുള്ള അന്വേഷണസംഘം അറസ്റ്റു ചെയ്തത്.
മേലുകാവ് ഇരുമാപ്ര ഭാഗത്ത് പാറശേരി സാജൻ സാമുവലിന്‍റെ വീട് കയറി ആക്രമിക്കുകയും വാഹനങ്ങൾ തകർക്കുകയും തീ വയ്ക്കുകയും ചെയ്ത കേസിലാണ് അറസ്റ്റ്.
Read Also : സോഷ്യൽ മീഡിയ വഴി അദ്ധ്യാപകരെ ആവശ്യമുണ്ടെന്ന വാർത്ത പ്രചരിപ്പിച്ച് പണം തട്ടിയ പ്രതി പിടിയില്‍
ആക്രമണത്തിനുശേഷം പ്രതികളെല്ലാവരും ഒളിവിൽ പോവുകയായിരുന്നു. ഇന്നലെ മൂന്നു പേർകൂടി അറസ്റ്റിലായതോടെ കേസിലെ 14 പ്രതികളെയാണ് അന്വേഷണസംഘം പിടികൂടിയത്.
പാലാ ഡിവൈഎസ്പി ഗിരീഷ് പി. സാരഥി, മേലുകാവ് എസ്എച്ച്ഒ രഞ്ജിത്ത് കെ.വിശ്വനാഥ്, എസ്ഐ അജിത്ത്, സിപിഒമാരായ ജോബി, ബൈജു, ശ്യാം, രഞ്ജിത്ത്, ശ്രാവണ്‍, നിതാന്ത് എന്നിവരും അന്വേഷണ സംഘത്തിൽ ഉണ്ടായിരുന്നു. പ്രതികളെ കോടതിയിൽ ഹാജരാക്കി.
Post Your Comments