ടാ​ങ്ക​ർ ലോ​റി​യും കാ​റും കൂ​ട്ടി​യി​ടി​ച്ച് അപകടം: നാലുപേർക്ക് പരിക്ക്

ച​വ​റ: ദേ​ശീ​യ​പാ​ത​യി​ൽ ടാ​ങ്ക​ർ ലോ​റി​യും കാ​റും കൂ​ട്ടി​യി​ടി​ച്ചുണ്ടായ അപകടത്തിൽ നാ​ലു​പേ​ർ​ക്ക് പ​രി​ക്കേ​റ്റു. കൊ​ല്ലം ഇ​ര​വി​പു​രം പ​ള്ളി​മു​ക്ക് കൈ​ലാ​ത്ത് വീ​ട്ടി​ൽ അ​നു (36), ഭാ​ര്യ അ​ശ്വ​തി (28), മ​ക​ൾ അ​നാ​മി​ക (8), അ​ശ്വ​തി​യു​ടെ സ​ഹോ​ദ​രി കൊ​ല്ലം പ​ള്ളി​മു​ക്ക് ഗോ​പാ​ല​ശേ​രി ച​രു​വി​ള പു​ത്ത​ൻ​വീ​ട്ടി​ൽ അ​ഞ്ജു (25) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​തി​ൽ അ​ശ്വ​തി​യു​ടെ​യും അ​നു​വി​ന്‍റെ​യും പ​രി​ക്ക് ഗു​രു​ത​ര​മാ​ണ്.​

വ്യാഴാഴ്ച്ച വൈ​കുന്നേരം 4.45ന് ​ദേ​ശീ​യ​പാ​ത​യി​ൽ വെ​റ്റ​മു​ക്കി​ന് വ​ട​ക്കു​വ​ശ​ത്ത് വ​ച്ചാ​യി​രു​ന്നു അ​പ​ക​ടം. എ​റ​ണാ​കു​ള​ത്തു നി​ന്നും ഇ​ന്ധ​നം നി​റ​ച്ച് കൊ​ല്ലം പാ​രി​പ്പ​ള്ളി ഭാ​ഗ​ത്തേ​ക്ക് വ​രി​ക​യാ​യി​രു​ന്ന ലോ​റി​യും എ​തി​രെ വ​രി​ക​യാ​യി​രു​ന്ന കാ​റും കൂ​ട്ടി​യി​ടി​ക്കു​ക​യാ​യി​രു​ന്നു. അ​പ​ക​ട​ത്തെ തു​ട​ർ​ന്ന്, കാ​റി​ൽ കു​ടു​ങ്ങി​ക്കി​ട​ന്ന​വ​രെ നാ​ട്ടു​കാരാണ് ര​ക്ഷ​പ്പെ​ടു​ത്തി ക​രു​നാ​ഗ​പ്പ​ള്ളി താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചത്. പ​രി​ക്കു ഗു​രു​ത​ര​മാ​യി​രു​നാ​ൽ ഇ​വ​രെ കൊ​ല്ല​ത്തെ സ്വ​കാ​ര്യ മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ൽ എ​ത്തി​ച്ചു.

Read Also : സ്വാതന്ത്ര്യ ദിനത്തിൽ ഭരണഘടന വായിച്ച് പ്രതിജ്ഞയെടുക്കുമെന്ന് സിപിഎം: ഉദ്‌ഘാടനം സജി ചെറിയാനാണോ എന്ന് സോഷ്യൽ മീഡിയ

പൊലീ​സും ഫ​യ​ർ​ഫോ​ഴ്സും ചേ​ർ​ന്നാണ് റോ​ഡി​ൽ കി​ട​ന്നി​രു​ന്ന കാ​ർ നീ​ക്കിയത്. അതേസമയം, ടാ​ങ്ക​ർ ലോ​റി​യു​ടെ ഡ്രൈ​വ​ർ അ​ത്ഭു​ത​ക​ര​മാ​യിട്ടാണ് ര​ക്ഷ​പ്പെ​ട്ടത്. ച​വ​റ കെ​എം​എം​എ​ൽ ക​മ്പ​നി​യു​ടെ ഉ​ൾ​പ്പെ​ടെ നാ​ല് ക്രെ​യി​ൻ എ​ത്തി​യാ​ണ് മൂ​ന്നു മ​ണി​ക്കൂ​റി​ന്‍റെ പ​രി​ശ്ര​മ​ത്തി​നൊ​ടു​വി​ൽ ടാ​ങ്ക​ർ ലോ​റി ഉ​യ​ർ​ത്തി​യ​ത്. നാ​ലു മ​ണി​ക്കൂ​റോ​ളം ഗ​താ​ഗ​ത നി​യ​ന്ത്ര​ണ​വും ഉ​ണ്ടാ​യി​രു​ന്നു.

ക​രു​നാ​ഗ​പ്പ​ള്ളി ത​ഹസീൽദാർ ഷി​ബു. പി,​ ച​വ​റ സ​ർ​ക്കി​ൾ ഇ​ൻ​സ്പെ​ക്ട​ർ​ വി​പി​ൻ, ച​വ​റ ഫ​യ​ർ​ഫോ​ഴ്സ് സ്റ്റേ​ഷ​ൻ ഓ​ഫീ​സ​ർ ഷാ​ജി​മോ​ൻ, റ​വ​ന്യൂ ഉ​ദ്യോ​ഗ​സ്ഥ​ർ, പൊ​ലീ​സ്-ഫ​യ​ർ​ഫോ​ഴ്സ് ഉ​ദ്യോ​ഗ​സ്ഥ​ർ എന്നിവർ ചേർന്നാണ് ടാ​ങ്ക​ർ ലോ​റി ഉ​യ​ർ​ത്തി​യ​ത്. ര​ക്ഷാ​പ്ര​വ​ർ​ത്ത​ന​ത്തി​ൽ നാ​ട്ടു​കാ​രു​ടെ പ​ങ്കാ​ളി​കളായിരുന്നു.