ഉപ്പുതറ: ഒൻപതേക്കറിൽ പടുതാക്കുളത്തിൽ വീണു ആറു വയസുകാരൻ മരിച്ചു. ആസാം ഗുവാഹത്തി ജാഗീ റോഡ് സ്വദേശികളായ ദുലാൽ ദാസ് – കുഞ്ചൽ ദമ്പതികളുടെ മകൻ ഓംകൂർ (6)ആണ് മരിച്ചത്.
ബുധനാഴ്ച ഉച്ചകഴിഞ്ഞു മൂന്നോടെയാണ് അപകടം നടന്നത്. ചങ്ങനാശേരി സ്വദേശിയുടെ ഉടമസ്ഥതയിലുള്ള ഒൻപതേക്കറിലെ പുരയിടത്തിൽ മാതാപിതാക്കൾ പണിയെടുക്കുന്നതിനു സമീപം കളിക്കുകയായിരുന്ന കുട്ടി.
Read Also : കാലാവസ്ഥ മാറുന്നതിന് അനുസരിച്ച് ഉണ്ടാവുന്ന അസുഖങ്ങൾ ഒഴിവാക്കാൻ!
ഏറെ നേരമായി കുട്ടിയെ കാണാതായതിനെത്തുടർന്ന്, പുരയിടത്തിൽ നടത്തിയ തെരച്ചിലിൽ പടുതാക്കുളത്തിനു സമീപത്തു നിന്ന് ഒരു ചെരുപ്പ് കണ്ടെത്തി.
തുടർന്ന്, നടത്തിയ തെരച്ചിലിലാണ് കുട്ടിയെ പടുതാക്കുളത്തിൽ കണ്ടെത്തിയത്. ഉടൻ തന്നെ ഉപ്പുതറ സിഎച്ച്സിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കട്ടപ്പനയിലെ സ്വകാര്യ ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്.
Post Your Comments