ഒഡീഷ: ഒഡീഷയിൽ മലിനജലം കുടിച്ച് 6 മരണം. 71 പേരെ ആശുപത്രിയിൽ പ്രവേശിപ്പിച്ചു. രായഗഡ ജില്ലയിലാണ് സംഭവം. 3 ദിവസത്തിനിടെ കാശിപൂർ ബ്ലോക്കിലെ വിവിധ ഗ്രാമങ്ങളിൽ സമാന രീതിയിൽ ആളുകൾ മരിച്ചതായി റിപ്പോർട്ടുണ്ട്. 11 ഡോക്ടർമാരുടെ സംഘം ഗ്രാമങ്ങൾ സന്ദർശിച്ച് വെള്ളവും രക്തവും ശേഖരിച്ച് പരിശോധനയ്ക്ക് അയച്ചു.
46 പേർ തിക്രി പബ്ലിക് ഹെൽത്ത് സെന്ററിൽ ചികിത്സയിലാണ്. ഇതുകൂടാതെ കാശിപൂർ കമ്മ്യൂണിറ്റി ഹെൽത്ത് സെന്ററിലെ 14 പെൺകുട്ടികളും തത്തിബാർ ഹെൽത്ത് സെന്ററിലെ ആശ്രമ സ്‌കൂളിലെ 11 പെൺകുട്ടികളും ചികിത്സയിലാണ്.
മാലിഗുഡയിലെ ഒരു തുറന്ന കിണറ്റിലെ വെള്ളം മലിനമാണെന്ന് കണ്ടെത്തിയിട്ടുണ്ടെന്നും ഗ്രാമങ്ങളിൽ ബദൽ ജലസ്രോതസ്സുകൾക്കായി ക്രമീകരണം ചെയ്യാൻ ബന്ധപ്പെട്ട ഉദ്യോഗസ്ഥരോട് ആവശ്യപ്പെട്ടിട്ടുണ്ടെന്നും സി.ഡി.എം.ഒ അറിയിച്ചു.
Post Your Comments