ദോഹ: ഖത്തറിൽ വരും ദിവസങ്ങളിൽ ചൂടേറിയ വരണ്ട കാറ്റ് വീശുമെന്ന് മുന്നറിയിപ്പ് നൽകി കാലാവസ്ഥാ നിരീക്ഷണ കേന്ദ്രം. പ്രാദേശികമായി സിമൂം എന്നറിയപ്പെടുന്ന കാറ്റാണ് ഖത്തറിൽ വീശിയടിക്കുന്നത്. സിമൂം സീസണിലെ കാറ്റ് അന്തരീക്ഷത്തിൽ കനത്ത പൊടിപടലങ്ങൾ ഉയർത്തുമെന്നതിനാൽ ദൂരക്കാഴ്ച കുറയ്ക്കും.
ജൂലൈ 29 വരെ സിമൂം കാറ്റ് തുടരും. വിഷക്കാറ്റ് എന്നും ഈ കാറ്റ് അറിയപ്പെടാറുണ്ട്. അതേസമയം, രാജ്യത്തെ കൂടിയ താപനില 40 ഡിഗ്രി സെൽഷ്യസും കുറഞ്ഞ താപനില 32 ഡിഗ്രി സെൽഷ്യസുമാണ്. കാറ്റിന്റെ വേഗം ചില സമയങ്ങളിൽ 18 നോട്ടിക്കൽ മൈൽ ആയിരിക്കുമെന്നും കാലാവസ്ഥാ വിദഗ്ധർ അറിയിച്ചു.
Post Your Comments