പാലക്കാട് : എച്ച്ആർഡിഎസ് സെക്രട്ടറി അജി കൃഷ്ണൻ അറസ്റ്റിൽ. വനവാസികളെ കയ്യേറ്റം ചെയ്യുകയും അവരുടെ ഭൂമി തട്ടിയെടുക്കുകയും ചെയ്‌തെന്ന ആരോപണത്തിലാണ് ഇയാൾക്കെതിരെ ഷോളയാർ പോലീസ് കേസെടുത്തത്. ഒരു വർഷം മുമ്പ് നൽകിയ പരാതിയിലാണ് നടപടി.
വിദേശത്തായിരുന്ന അജി കൃഷ്ണൻ അട്ടപ്പാടിയിൽ തിരിച്ചെത്തിയതിനു തൊട്ടു പിന്നാലെയാണ് അറസ്റ്റ്. സ്വപ്ന സുരേഷ് ജോലി ചെയ്തുകൊണ്ടിരുന്ന സ്ഥാപനമായിരുന്നു എച്ചആർഡിഎസ്.
അതേസമയം, സ്വപ്ന സുരേഷിന് ജോലി നല്‍കിയെന്ന ഒറ്റ കാരണത്താല്‍ മുഖ്യമന്ത്രിയുടെ ഒത്താശയോടെ എച്ച്ആര്‍ഡിഎസിനെ തകര്‍ക്കാനുള്ള നീക്കമാണ് തന്റെ അറസ്റ്റിന് പിന്നിലെന്ന് അജി കൃഷ്ണന്‍ ആരോപിച്ചു. പരാതിക്കാരന്‍ എത്തിയത് സിപിഎം ഏരിയ കമ്മിറ്റി ഓഫിസിന്റെ വാഹനത്തിലാണെന്നും അജി കൃഷ്ണന്‍ മാധ്യമങ്ങളോട് പറഞ്ഞു.
Post Your Comments