ഒരു ചുക്കും കണ്ടെത്താൻ കഴിയില്ല എന്ന് 101% എനിക്കുറപ്പുണ്ട്, ഞാൻ കേസ് കൊടുത്തിട്ടുണ്ട്: കെ.ടി ജലീൽ

മലപ്പുറം: സ്വർണ്ണക്കടത്ത് കേസിൽ സ്വപ്ന സുരേഷിന്റെ വെളിപ്പെടുത്തലിനെതിരെ പോലീസിന് പരാതി നൽകിയെന്ന് കെ.ടി ജലീൽ. ആരുടെ കുറിയിലും ഒരു നറുക്കും ഞങ്ങളാരും ചേർന്നിട്ടില്ലെന്നും, പോലീസ് എഫ്.ഐ.ആർ ഇട്ട് അന്വേഷണം തുടങ്ങിയിട്ടുണ്ടെന്നും ജലീൽ പറഞ്ഞു.

Also Read:‘ലാലേട്ടാ, മമ്മൂക്ക, ചാക്കോച്ചാ’: ഇച്ചായാ വിളിയിൽ പ്രശ്നമുണ്ടെന്ന് പറഞ്ഞ ടൊവിനോയുടെ പോസ്റ്റ് കുത്തിപ്പൊക്കി ട്രോളർമാർ

‘സരിതയുടെ വെളിപ്പെടുത്തലിൻ്റെ വെളിച്ചത്തിൽ ഒരാളും ഒരു കേസും ഒരിടത്തും കൊടുത്തില്ല. കാരണം സരിത നടത്തിയ ചായക്കുറിയിൽ ഒരു നറുക്ക് ചേർന്നവരാണ് എല്ലാവരും. പരാതി കൊടുത്ത് അന്വേഷണം വന്നാൽ കുടുങ്ങുമെന്ന് അവർക്കുറപ്പാണ്’, ജലീൽ ആരോപിച്ചു.

അതേസമയം, ഏത് കേന്ദ്ര-സംസ്ഥാന ഏജൻസികൾ അന്വേഷിച്ചാലും ഒരു ചുക്കും കണ്ടെത്താൻ കഴിയില്ല എന്ന് 101% തനിക്കുറപ്പാണെന്നും, അവനവനെ വിശ്വാസമുള്ളവർക്ക് ആരെപ്പേടിക്കാനാണെന്നും അദ്ദേഹം ഫേസ്ബുക്കിൽ കുറിച്ചു.