കഴിഞ്ഞ രണ്ട് ദിവസമായി സോഷ്യൽ മീഡിയ ഏറ്റവും അധികം ചർച്ച ചെയ്യുന്ന പേരുകളിൽ ഒന്നാണ് റോബിൻ രാധാകൃഷ്ണൻ. ബിഗ് ബോസ് ഷോയ്ക്കകത്ത് വെച്ച് സഹമത്സരാർത്ഥിയായ റിയാസിനെ കഴുത്തിന് പിടിച്ച് തള്ളുകയും മുഖത്തടിക്കുകയും ചെയ്ത റോബിനെ ഷോയിൽ നിന്നും പുറത്താക്കിയിരുന്നു. ഇതിന് പിന്നാലെ, ബിഗ് ബോസ് അവതാരകനായ മോഹൻലാലിന് നേരെ അധിക്ഷേപവുമായി റോബിന്റെ ഫാൻസ്‌ രംഗത്ത്. മോഹന്‍ലാലിന്റെ സോഷ്യല്‍ മീഡിയ അക്കൗണ്ടുകളില്‍ അധിക്ഷേപവും വിദ്വേഷ കമന്‍റുകളുമായാണ് റോബിന്‍ ആരാധകർ എത്തിയിരിക്കുന്നത്.
റോബിന്‍ ആരാധകര്‍ കണ്ണടച്ച് ഇരുട്ടാക്കുകയാണെന്നും, മോഹന്‍ലാലിനെ ഒരുതരത്തിലും ഇതൊന്നും ബാധിക്കാന്‍ പോകുന്നില്ല എന്നുമാണ് റോബിന്‍ ഫാന്‍സിന് മറുപടിയായി മോഹന്‍ലാല്‍ ആരാധകരുടെ വാദം. കഴിഞ്ഞ സീസണിലെ മത്സരാർത്ഥിയായ രജിത് കുമാറിനെ പുറത്താക്കിയപ്പോഴും ഇത്തരത്തില്‍ രജിത്തിന്റെ ആരാധകര്‍ മോഹന്‍ലാലിന് എതിരെ തിരഞ്ഞിരുന്നു. സഹമത്സരാർത്ഥിയായ രേഷ്മയുടെ കണ്ണിൽ മുളക് തേച്ചതിനെ തുടർന്നായിരുന്നു രജിത് കുമാറിനെ ഷോയിൽ നിന്നും പുറത്താക്കിയത്.
മോഹൻലാലിനെ വിമർശിച്ച് കൊണ്ട് റോബിൻ ആരാധകർ അദ്ദേഹത്തിന്റെ ഫേസ്‌ബുക്ക് പോസ്റ്റിന് താഴെ ഇട്ട ചില കമന്റുകൾ
‘നിങ്ങളുടെ വലിയൊരു ആരാധിക ആയിരുന്നു. പക്ഷേ സ്വന്തം വെക്തിത്വം പോലും മറന്നു നിങ്ങൾ തീരുമാനിച്ചു ഡോക്ടറെ പുറത്താക്കാൻ. ഡോക്ടർക്ക് പറയാനുള്ളത് കേൾക്കാൻ പോലും ഉള്ള മനസ് നിങ്ങൾ കാണിച്ചില്ല. തെറ്റ് ചെയ്തെന്നു ഡോക്ടറെ കൊണ്ട് പറയിപ്പിച്ചു നിങ്ങൾ. ജനങ്ങളുടെ പിന്തുണ കൊണ്ടാ നിങ്ങൾ ഇത്രയും വലിയൊരു നടൻ ആയത്. ആ ജനങ്ങൾ തന്നെ ആണ് ഡോക്ടറെയും ഇപ്പോ പിന്തുണച്ചത്. സൊ ജനങ്ങളുടെ മനസ്സിൽ എന്നും ഡോക്ടർ ആണ് ഹീറോ. യഥാർത്ഥ രാജാവ്’.
‘നാണമില്ലാത്ത നട്ടെല്ലില്ലാത്ത അവതാരാകൻ’
‘സ്വന്തമായിട്ട് ഒരു അഭിപ്രയം പോലും ഇല്ലാത്ത ഒരു കംപ്ലിക്ട് ആക്ടർ’
‘ലാലേട്ടാ… നിങ്ങളുടെ വലിയ ഒരു ആരാധകൻ ആയിരുന്നു ഇന്ന് ഈ നിമിഷം വരെ. നിങ്ങളെയും ഉന്നതിയിൽ എത്തിച്ചത് പ്രേക്ഷകരാണ് എന്ന് മറക്കരുത്’
‘സർ റോബിനെ തിരിച്ചെടുക്കണം. താങ്കൾ ഈ കള്ളത്തരത്തിനു കൂട്ട് നിൽക്കരുത്.. താങ്കളെ ഏറെ ബഹുമാനിക്കുന്ന ജനങ്ങളുടെ അപേക്ഷ ആണ്’
‘കാശു മാത്രം ആണ് നിങ്ങൾ ഈ ഷോ ചെയ്യുന്നത്. പ്രേക്ഷകരോട് ഒരു കൂറും ഇല്ല. നിങ്ങളെയും വളർത്തിയത് ഇവിടുത്തെ ജനങ്ങൾ ആണ്’
Post Your Comments