‘ആരും പീഡിപ്പിച്ചിട്ടില്ല, പരാതിയില്ല’: പീഡന പരാതിയിൽ മൊഴി നൽകിയതിന് പിന്നാലെ പത്താം ക്ലാസ് വിദ്യാർത്ഥിനി ജീവനൊടുക്കി

ഇ​രി​ട്ടി: പീ​ഡ​ന ​പ​രാ​തി​യി​ല്‍ പോ​ലീ​സിന് മൊ​ഴിനൽകിയതിന് പി​ന്നാ​ലെ പെ​ൺ​കു​ട്ടി ജീ​വ​നൊ​ടു​ക്കി. ആ​റ​ളം ഫാം ​പുനഃരധിവാസ മേ​ഖ​ല​യി​ലെ ഏ​ഴാം ബ്ലോ​ക്കി​ൽ​പ്പെ​ട്ട ത​ങ്ക​യു​ടെ മ​ക​ള്‍ മി​നി (17)യാണ് വീ​ടി​നു​ള്ളി​ൽ തൂങ്ങി മരിച്ചത്. വെ​ള്ളി​യാ​ഴ്ച വൈ​കു​ന്നേ​രമാണ് പെൺകുട്ടിയെ മരിച്ച നിലയിൽ ക​ണ്ടെ​ത്തിയത്.

ആ​റ​ളം ഫാം ​സ്‌​കൂ​ളി​ലെ ​പത്താംക്ലാസ് വിദ്യാർത്ഥിനിയായ മിനി എ​സ്.എ​സ്.എല്‍​.സി പ​രീ​ക്ഷ​യെ​ഴു​തി​ ഫലം കാത്തിരിക്കുകയായിരുന്നു. വീ​ടി​ന​ടു​ത്തു​ള്ള ബ​ന്ധു​വും ര​ണ്ടു മ​ക്ക​ളു​ടെ അ​ച്ഛ​നു​മാ​യ ഒ​രാ​ളു​മാ​യി സ്നേ​ഹ​ത്തി​ലാ​ണെ​ന്നും ഇ​യാ​ള്‍ വീ​ട്ടി​ല്‍ വ​രാ​റു​ണ്ടെ​ന്നും സ്‌​കൂ​ളി​ല്‍ ന​ട​ന്ന കൗ​ണ്‍​സ​ലിം​ഗി​ല്‍, പെ​ണ്‍​കു​ട്ടി വ്യക്തമാക്കിയിരുന്നു. ഇ​ക്കാ​ര്യം ചൈ​ല്‍​ഡ് ലൈ​നി​ല്‍ പ​രാ​തി​യാ​യി എ​ത്തിയതോടെ, കു​ട്ടി​യു​ടെ വീ​ട്ടി​ലെ​ത്തി മൊ​ഴി​യെ​ടു​ക്കാ​ന്‍ ചൈ​ല്‍​ഡ് ലൈ​ന്‍ ആ​റ​ളം പോ​ലീ​സി​ന് നി​ര്‍ദ്ദേ​ശം ന​ല്‍​കി.

നടുറോഡിൽ വെച്ച് യുവാവിനെ അജ്ഞാതസംഘം കഴുത്തറുത്ത് കൊന്നു

ഇതേത്തുടർന്ന്, വെ​ള്ളി​യാ​ഴ്ച രാ​വി​ലെ വ​നി​താ പോ​ലീ​സ് വീ​ട്ടി​ലെ​ത്തി കു​ട്ടി​യു​ടെ മൊ​ഴി​യെ​ടു​ത്തിരുന്നു. എന്നാൽ, ത​ന്നെ ആ​രും പീ​ഡി​പ്പി​ച്ചി​ട്ടി​ല്ലെ​ന്നും തനിക്ക് പ​രാ​തിയൊന്നും ഇ​ല്ലെ​ന്നു​മാണ് പെ​ൺ​കു​ട്ടി മൊ​ഴി​ നല്‍​കി​യ​തെ​ന്ന് ആ​റ​ളം എ​സ്.ഐ പ്ര​സാ​ദ് വ്യക്തമാക്കി.എന്നാൽ, വൈ​കു​ന്നേ​രം അ​ഞ്ചോ​ടെ പെ​ൺ​കു​ട്ടി​യെ വീ​ടി​നു​ള്ളി​ല്‍ തൂ​ങ്ങി മ​രി​ച്ച​നി​ല​യി​ൽ ക​ണ്ടെ​ത്തു​ക​യാ​യി​രു​ന്നുവെന്നും പോലീസ് അറിയിച്ചു.