‘എന്റെ വസ്ത്രങ്ങൾ വിറ്റിട്ടായാലും ജനങ്ങൾക്ക് വിലകുറഞ്ഞ ഗോതമ്പ് എത്തിക്കും’: പാക് പ്രധാനമന്ത്രി

ഇസ്ലാമാബാദ്: അടുത്ത 24 മണിക്കൂറിനുള്ളിൽ 10 കിലോഗ്രാം ഗോതമ്പ് പൊടിയുടെ വില 400 രൂപയായി കുറച്ചില്ലെങ്കിൽ തന്റെ വസ്ത്രങ്ങൾ വിൽക്കുമെന്ന് ഖൈബർ പഖ്തൂൺഖ്വ മുഖ്യമന്ത്രി മഹമൂദ് ഖാന് അന്ത്യശാസനം നൽകി പാക് പ്രധാനമന്ത്രി ഷെഹ്ബാസ് ഷെരീഫ്. ജനങ്ങൾക്ക് ഏറ്റവും വില കുറഞ്ഞ ഗോതമ്പ് മാവ് എത്രയും പെട്ടെന്ന് എത്തിക്കണമെന്നാണ് പ്രധാനമന്ത്രിയുടെ നിർദ്ദേശം. രാജ്യത്തെ ജനങ്ങള്‍ക്ക് വേണ്ടി സ്വന്തം വസ്ത്രം വിറ്റിട്ടായാലും ന്യായ വിലയ്ക്ക് ഗോതമ്പ് പൊടി എത്തിക്കുമെന്നാണ് ഷെഹ്ബാസ് ഷെരീഫിന്റെ പ്രഖ്യാപനം.

ഗോതമ്പ് വില കുത്തനെ ഉയര്‍ത്തിയ ഖൈബര്‍ പഖ്ടുന്‍ഖ്‌വ സംസ്ഥാനത്തെ മുഖ്യമന്ത്രിയുടെ നടപടിയില്‍ അന്ത്യശാസനം നല്‍കിക്കൊണ്ടാണ് ഷെഹബാസ് ഷെരീഫ് ഇക്കാര്യം പറഞ്ഞത്. ‘ഞാൻ എന്റെ വാക്കുകൾ ആവർത്തിക്കുന്നു, ഞാൻ എന്റെ വസ്ത്രങ്ങൾ വിൽക്കുകയും ആളുകൾക്ക് ഏറ്റവും വിലകുറഞ്ഞ ഗോതമ്പ് മാവ് നൽകുകയും ചെയ്യും’, ഞായറാഴ്‌ച തകര സ്‌റ്റേഡിയത്തിൽ ഒരു പൊതുയോഗത്തെ അഭിസംബോധന ചെയ്യവെ പ്രധാനമന്ത്രി പറഞ്ഞു,

Also Read:  വനിതാ വാച്ചറെ പീഡിപ്പിക്കാന്‍ ശ്രമിച്ചെന്ന പരാതി: കര്‍ശന നടപടി സ്വീകരിച്ചതായി എ.കെ. ശശീന്ദ്രന്‍

മുഖ്യമന്ത്രി മഹ്മൂദ് ഖാന്‍ 24 മണിക്കൂറിനുള്ളില്‍ 10 കിലോ ഗോതമ്പിലെ വില 400 രൂപയായി കുറച്ചില്ലെങ്കില്‍ തന്റെ വസ്ത്രങ്ങള്‍ വിറ്റിട്ടായാലും ജനങ്ങള്‍ക്ക് തുച്ഛമായ വിലയ്ക്ക് ഗോതമ്പുപൊടി എത്തിക്കുമെന്നാണ് പാക് പ്രധാനമന്ത്രി പറഞ്ഞത്. പൊതുയോഗത്തിലെ രാഷ്ട്രീയ ചൂട് പ്രധാനമന്ത്രി ജനങ്ങളോടുള്ള അഭിസംബോധനയിലും പ്രതിധ്വനിച്ചു. രാജ്യത്തിന് എക്കാലത്തെയും ഉയർന്ന പണപ്പെരുപ്പവും തൊഴിലില്ലായ്മയും ആണുള്ളതെന്ന് മുൻ പ്രധാനമന്ത്രി ഇമ്രാൻ ഖാൻ ആരോപിച്ചു.

അഞ്ച് ദശലക്ഷം വീടുകളും 10 ദശലക്ഷം ജോലികളും നൽകുമെന്ന വാഗ്ദാനം പാലിക്കുന്നതിൽ മുൻ സർക്കാർ പരാജയപ്പെട്ടെന്നും, രാജ്യത്തെ സാമ്പത്തിക പ്രതിസന്ധിയിലേക്ക് തള്ളിവിട്ടെന്നും ഇമ്രാൻ ഖാന്റെ നേതൃത്വത്തിലുള്ള സർക്കാരിനെ വിമർശിച്ചുകൊണ്ട് പ്രധാനമന്ത്രി ഷെരീഫ് ആരോപിച്ചു.

‘ഞാന്‍ നിങ്ങളുടെ മുന്നില്‍ വെച്ച് പ്രഖ്യാപിക്കുകയാണ്, എന്റെ ജീവിതം ത്യജിച്ച് കൊണ്ടാണെങ്കിലും ഈ രാജ്യത്തെ ഞാന്‍ സമൃദ്ധിയിലേക്കും വികസനത്തിലേക്കും നയിക്കും. ഇത് വളരെ അപൂർവമായി മാത്രമേ സംഭവിക്കുന്നുള്ളൂ, ബലൂചിസ്ഥാനിലെ ആളുകൾ പോളിംഗ് സ്റ്റേഷനുകളിൽ തിങ്ങിക്കൂടിയിരുന്നു.ഞാൻ പ്രതീക്ഷിച്ചതുപോലെ വോട്ടർമാരുടെ പോളിംഗ് 30 മുതൽ 35 ശതമാനം വരെ തുടരും, ഇത് ജനാധിപത്യത്തിലും ക്രമസമാധാനത്തിലും ജനങ്ങളുടെ വിശ്വാസമാണ്’, ഷെഹബാസ് ഷെരീഫ് കൂട്ടിച്ചേര്‍ത്തു. പാകിസ്ഥാന്‍ മാധ്യമമായ ഡോണ്‍ ആണ് പ്രധാനമന്ത്രിയുടെ പരാമര്‍ശങ്ങളെക്കുറിച്ച് റിപ്പോര്‍ട്ട് ചെയ്തിരിക്കുന്നത്.