കുരങ്ങുപനി: സൗദിയിൽ ഒരു കേസുകളും റിപ്പോർട്ട് ചെയ്തിട്ടില്ലെന്ന് ആരോഗ്യ വകുപ്പ്

റിയാദ്: രാജ്യത്ത് ഇതുവരെ കുരങ്ങുപനി സ്ഥിരീകരിച്ചിട്ടില്ലെന്ന് സൗദി ആരോഗ്യ മന്ത്രാലയം. ജാഗ്രതയും നിരീക്ഷണവും തുടരുമെന്നും അധികൃതർ അറിയിച്ചു. യൂറോപ്യൻ, വടക്കേ അമേരിക്കൻ രാജ്യങ്ങളിൽ കുരങ്ങുപനി റിപ്പോർട്ട് ചെയ്ത സാഹചര്യത്തിലാണ് സൗദി ആരോഗ്യ മന്ത്രാലയം ഇക്കാര്യം അറിയിച്ചത്.

Read Also: പോലീസിനെക്കൊണ്ട് കൂട്ടിയാൽ കൂടില്ല, പിസിയെ പൊക്കാൻ പ്രളയകാലത്തെ പോലെ ജനങ്ങൾ ഇറങ്ങണമെന്ന് സോഷ്യൽ മീഡിയ

അതേസമയം, 12 രാജ്യങ്ങളിൽ നിന്ന് 10 ദിവസത്തിനുള്ളിൽ 92 കുരങ്ങുപനി കേസുകൾ സ്ഥിരികരിച്ചതായി ലോകാരോഗ്യ സംഘടന വ്യക്തമാക്കി. കുരങ്ങുപനിയുടെ കൂടുതൽ കേസുകൾ ഇനിയും റിപ്പോർട്ട് ചെയ്യപ്പെടാമെന്ന് ലോകാരോഗ്യ സംഘടന മുന്നറിയിപ്പ് നൽകിയിട്ടണ്ട്. ത്വക്കിൽ അസാധാരണമായ വിധത്തിലുള്ള ചൊറിച്ചിലോ കുമിളകളോ ഉണ്ടെങ്കിൽ എത്രയും പെട്ടെന്ന് കരുതൽ നടപടികൾ സ്വീകരിക്കണമെന്നും സംഘടന മുന്നറിയിപ്പ് നൽകിയിട്ടുണ്ട്. പനി, തലവേദന, ത്വക്കിൽ ചൊറിച്ചിലോ കുമിളകളോ ഉണ്ടാകുക എന്നിവയാണ് കുരങ്ങുപനിയുടെ ലക്ഷണങ്ങൾ.

Read Also: കേന്ദ്രം പെട്രോളിന് 9 രൂപ കുറച്ചു, കേരളം 2 രൂപ കുറയ്ക്കുമെന്ന് ധനമന്ത്രി: കുറയ്ക്കുന്നതല്ലോ കുറയുന്നതല്ലേ എന്ന് ചോദ്യം