ഐപിഎല്ലിൽ ഗുജറാത്ത് ടൈറ്റന്‍സിന് തകർപ്പൻ ജയം

പൂനെ: ഐപിഎല്ലിൽ ഗുജറാത്ത് ടൈറ്റന്‍സിന് തകർപ്പൻ ജയം. ജയത്തോടെ പ്ലേ ഓഫിലെത്തുന്ന ആദ്യ ടീമായി ഗുജറാത്ത് ടൈറ്റന്‍സ് മാറി. ലഖ്‌നൗ സൂപ്പര്‍ ജയന്‍റ്‌സിനെ 62 റണ്‍സിന് തോല്‍പ്പിച്ചാണ് ടൈറ്റന്‍സ് പ്ലേ ഓഫ് ബർത്തുറപ്പിച്ചത്. ഗുജറാത്തിന്‍റെ 144 റണ്‍സ് പിന്തുടര്‍ന്ന ലഖ്‌നൗ 13.5 ഓവറില്‍ 82 റണ്‍സിന് ഓള്‍ റൗട്ടായി. റാഷിദ് ഖാന്‍ നാലും സായ് കിഷോറും യഷ് ദയാലും രണ്ട് വീതവും വിക്കറ്റ് നേടി.

12 മത്സരങ്ങളില്‍ നിന്ന് ഗുജറാത്തിന് 18 പോയിന്റും ലഖ്‌നൗവിന് 16 പോയിന്റുമാണുള്ളത്. നേരത്തെ, ടോസ് നേടി ബാറ്റിംഗിനിറങ്ങിയ ഗുജറാത്ത് തുടക്കത്തിലെ തകര്‍ച്ചയ്‌ക്ക് ശേഷം ശുഭ്‍മാന്‍ ഗില്ലിന്‍റെ അര്‍ധ സെഞ്ചുറിയില്‍ 20 ഓവറില്‍ നാല് വിക്കറ്റിന് 144 റണ്‍സിലെത്തുകയായിരുന്നു. ഗില്‍ 49 പന്തില്‍ പുറത്താകാതെ 63 റണ്‍സെടുത്തു.

Read Also:- ദിവസവും ചൂടുവെള്ളത്തില്‍ ഉപ്പ് ചേര്‍ത്ത് വായ കഴുകുന്നതുകൊണ്ടുള്ള ഗുണങ്ങൾ!

മറുപടി ബാറ്റിംഗില്‍ തുടക്കത്തിലെ ലഖ്‌നൗ തകര്‍ന്നടിഞ്ഞു. 45 റണ്‍സിനിടെ 7.3 ഓവറില്‍ നാല് വിക്കറ്റ് നഷ്‌ടമായി. ക്വിന്‍റണ്‍ ഡികോക്കിനെയും (11), കരണ്‍ ശര്‍മ്മയെയും (4) അരങ്ങേറ്റക്കാരന്‍ യാഷ് ദയാലും കെ എല്‍ രാഹുലിനെ(8) മുഹമ്മദ് ഷമിയും ക്രുണാല്‍ പാണ്ഡ്യയെ (5) റാഷിദ് ഖാനും പുറത്താക്കി. മത്സരത്തിൽ വിക്കറ്റ് കീപ്പർ വൃദ്ധിമാന്‍ സാഹയുടെ പ്രകടനവും നിര്‍ണായകമായി. ലഖ്‌നൗവിനായി ആവേഷ് ഖാന്‍ രണ്ട് വിക്കറ്റ് വീഴ്‌ത്തി.