മാരക മയക്കുമരുന്നായ എംഡിഎംഎയുമായി യുവാക്കൾ പൊലീസ് പിടിയിൽ

അരൂർ: മാരക മയക്കുമരുന്നായ എംഡിഎംഎയുമായി രണ്ടു യുവാക്കൾ അറസ്റ്റിൽ. അരൂർ പഞ്ചായത്ത് രണ്ടാം വാർഡ് കായിത്തറവീട് പോത്താംപറമ്പ് എബിൻ വിൻസെന്റ് (22), അരൂർ പഞ്ചായത്ത് നാലാം വാർഡിൽ കണ്ണമ്പള്ളി ബിജോ അഗസ്റ്റിൻ (22) എന്നിവരെയാണ് അറസ്റ്റ് ചെയ്തത്.

അരൂർ വട്ടക്കേരി ഭാഗത്താണ് സംഭവം. ജില്ല പൊലീസ് മേധാവിയുടെ സ്ക്വാഡും അരൂർ പൊലീസും ചേർന്നാണ് ഇവരെ പിടികൂടിയത്. ഇവരിൽ നിന്ന് 2.03 ഗ്രാം എംഡിഎംഎ പിടിച്ചെടുത്തിട്ടുണ്ട്.

Read Also : ‘കുടിയന്മാർക്ക് കഷ്ടകാലം’: വിദേശ മദ്യത്തിന്റെ വില വർദ്ധിപ്പിക്കും

എസ്.ഐ മഹേഷ്, സി.പി.ഒമാരായ ബിജോയ്, റിയാസ്, നിതീഷ് മോൻ, ഡാൻസാഫ് ടീമിലെ എ.എസ്.ഐ ജാക്സൺ, സി.പി.ഒമാരായ എബിൻ, അനൂപ്, ജിതിൻ, ഷൈൻ എന്നിവർ നേതൃത്വം നൽകി. ചേർത്തല കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.