കോഴിക്കോട്: ദുബായിൽ മരിച്ച നിലയിൽ കണ്ടെത്തിയ വ്ളോഗർ റിഫ മെഹ്നുവിന്റെ വിശദമായ പോസ്റ്റ്മോര്ട്ടം റിപ്പോർട്ട് രണ്ട് ദിവസത്തിനകം അന്വേഷണ സംഘത്തിന് കൈമാറും.
റിഫയുടെ മൃതദേഹം അഴുകിയിട്ടില്ലാത്തതിനാൽ, മൃതദേഹം കബറിടത്തിൽ നിന്ന് പുറത്ത് എടുത്ത് പരിശോധിച്ചപ്പോൾ തന്നെ, കഴുത്തിലെ പാട് ശ്രദ്ധയിൽപ്പെട്ടിരുന്നു. ഇതിൽ വിശദമായ പരിശോധന ആവശ്യമുള്ളതിനാലാണ് മൃതദേഹം പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയത്.
ആന്തരികാവയവങ്ങൾ രാസ പരിശോധനയ്ക്കും അയച്ചിട്ടുണ്ട്.
റിഫയെ ശ്വാസം മുട്ടിച്ചതാണോ, തലയോട്ടിയ്ക്ക് ഉൾപ്പടെ ശരീരത്തിൽ ക്ഷതം സംഭവിച്ചിട്ടുണ്ടോ, എന്തെങ്കിലും വിഷ പദാർത്ഥങ്ങൾ ഉള്ളിൽ ചെന്നിട്ടുണ്ടോ എന്നീ കാര്യങ്ങൾ സ്ഥിരീകരിക്കാൻ വേണ്ടിയാണ് ആന്തരികാവയവങ്ങൾ രാസപരിശോധനയ്ക്കു അയച്ചത്. വിശദമായ പോസ്റ്റ്മോര്ട്ടം റിപ്പോർട്ട് ലഭിച്ച ശേഷം, ആവശ്യമെങ്കിൽ അന്വേഷണം ദുബായിലേക്കും വ്യാപിപ്പിക്കുമെന്നാണ് പോലീസിൽനിന്ന് ലഭിക്കുന്ന വിവരം.
Post Your Comments