തളിപ്പറമ്പ്: വ്യത്യസ്ത സ്ഥലങ്ങളിൽ നിന്ന് കഞ്ചാവുമായി രണ്ടുപേർ അറസ്റ്റിൽ. കീച്ചേരി കോലത്തുവയൽ സ്വദേശി ഷിജിൻ രവീന്ദ്രൻ, പറശ്ശിനിക്കടവ് സ്വദേശി പി.എം. ആദിത്യ അജിത്ത് എന്നിവരാണ് അറസ്റ്റിലായത്.
കഴിഞ്ഞ ദിവസം രാത്രിയാണ് സംഭവം. പൊലീസ് പട്രോളിങ്ങിനിടെ വെളളിക്കീൽ പുളിമ്പറമ്പ റോഡിൽ വെച്ചാണ് ഏഴര ഗ്രാം കഞ്ചാവുമായി ഷിജിൻ രവീന്ദ്രനെ പൊലീസ് പിടികൂടിയത്. ധർമശാല പറശ്ശിനിക്കടവ് റോഡിൽ എഞ്ചിനീയറിങ് കോളജിന് സമീപത്തു നിന്നാണ് ഒമ്പത് ഗ്രാം കഞ്ചാവുമായി ആദിത്യ അജിത്തിനെ പൊലീസ് പിടികൂടിയത്.
തളിപ്പറമ്പ് എസ്.ഐ പി.സി. സഞ്ജയ് കുമാറിന്റെ നേതൃത്വത്തിലുള്ള സംഘമാണ് ഇരുവരെയും അറസ്റ്റ് ചെയ്തത്. കോടതിയിൽ ഹാജരാക്കിയ യുവാക്കളെ റിമാൻഡ് ചെയ്തു.
Post Your Comments