തൃശൂർ: ദേശീയ ജൂഡോ ചാമ്പ്യന്‍ ഉള്‍പ്പടെ രണ്ടു യുവാക്കള്‍ മോഷ്ടിച്ച ബൈക്കുമായി പിടിയില്‍. ഇടുക്കി കരിങ്കുന്നം സ്വദേശി അഭിജിത്ത്, ചാലക്കുടി പോട്ട സ്വദേശി അലന്‍ എന്നിവരാണ് പിടിയിലായത്. ദേശീയ ജൂഡോ ചാമ്പ്യനാണ് 24 കാരനായ അഭിജിത്ത്. തൃശ്ശൂർ വെസ്റ്റ് പോലീസാണ് ഇയാളെ പിടികൂടിയത്.
മറ്റൊരു ബൈക്കിന്റെ വ്യാജ നമ്പര്‍ പ്ലേറ്റ് വെച്ച വാഹനവുമായാണ് അഭിജിത്തിനെ പിടികൂടിയത്. ഇയാള്‍ മോഷ്ടിച്ച വാഹനത്തിന്റെ അതേ നിറത്തിലുള്ള മറ്റൊരു ബൈക്കിന്റെ നമ്പര്‍ പ്ലേറ്റ് വെച്ചാണ് ഓടിച്ചിരുന്നത്. അഭിജിത്തിനെ കസ്റ്റഡിയില്‍ എടുത്ത് ചോദ്യം ചെയ്തപ്പോഴാണ് മറ്റൊരു യുവാവും മോഷണത്തില്‍ ഉള്‍പ്പെട്ട വിവരം പോലീസ് അറിയുന്നത്. തുടര്‍ന്നാണ് അലനെ പിടികൂടിയത്.
വെസ്റ്റ് എസ്.ഐ കെസി ബൈജു, സിപിഒ മാരായ അഭീഷ് ആന്റണി, വിപിന്‍ സി.എ, ഗോറസ്, അനില്‍കുമാര്‍ പി.സി, ജോസ്‌പോള്‍ എന്നിവരടങ്ങിയ സംഘമാണ് പ്രതികളെ പിടികൂടിയത്.
Post Your Comments