മ​ദ്യ​പാ​ന​ത്തി​നി​ടെ​ വാ​ക്കു​ത​ർ​ക്കം : മ​ദ്യ​ക്കു​പ്പി പൊ​ട്ടി​ച്ച് നാ​ലു​പേ​രെ കു​ത്തി, ഒരാൾ പൊലീസ് പിടിയിൽ

പോ​ത്ത​ൻ​കോ​ട്: മ​ദ്യ​പാ​ന​ത്തി​നി​ടയിലെ വാ​ക്കു​ത​ർ​ക്ക​ത്തെ തുടർന്നുണ്ടായ സംഘർഷത്തിൽ നാലുപേർക്ക് പരിക്ക്. വേ​ങ്ങോ​ട് സ്വ​ദേ​ശി​ക​ളാ​യ സു​രേ​ഷ്, രാ​ജീ​വ്, അ​ജി​ത്ത്, അ​ജേ​ഷ് എ​ന്നി​വ​ർ​ക്കാ​ണ് കു​ത്തേ​റ്റ​ത്. സം​ഭ​വ​ത്തി​ലെ പ്ര​തി പോ​ത്ത​ൻ​കോ​ട് മ​ണ​ല​കം സ്വ​ദേ​ശി ഗോ​പ​കു​മാ​റി (37) നെ ​പൊ​ലീ​സ് അ​റ​സ്റ്റ് ചെ​യ്തു.

ശ​നി​യാ​ഴ്ച രാ​ത്രി പ​ത്തോ​ടെ പോ​ത്ത​ൻ​കോ​ടി​ന് സ​മീ​പം വേ​ങ്ങോ​ടാ​യി​രു​ന്നു സം​ഭ​വം. അഞ്ചം​ഗ സംഘത്തിലെ ഒരാൾ മദ്യക്കുപ്പി പൊട്ടിച്ച് കുത്തുകയായിരുന്നു. മ​ദ്യ​പാ​ന​ത്തി​നി​ടെ മു​മ്പ് ന​ട​ന്ന അ​ടി​പി​ടി​യു​മാ​യി ബ​ന്ധ​പ്പെ​ട്ട് സു​ഹൃ​ത്തു​ക്ക​ളു​മാ​യു​ള്ള ത​ർ​ക്കം മൂ​ർ​ച്ഛി​ച്ച​തോ​ടെ ആ​ക്ര​മ​ണ​ത്തി​ൽ ക​ലാ​ശി​ക്കു​ക​യാ​യി​രു​ന്നു. വ​യ​റ്റി​ലും ശ​രീ​ര​ത്തി​ന്‍റെ മ​റ്റ് ഭാ​ഗ​ങ്ങ​ളി​ലും പ​രി​ക്കേ​റ്റ നാ​ലു​പേ​രെ​യും ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

Read Also : ഡിലീറ്റ് ചെയ്ത ഫയലുകൾ വീണ്ടെടുക്കാം, എളുപ്പവഴി ഇതാ

സം​ഭ​വ​ ശേ​ഷം, ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി​യെ നാ​ട്ടു​കാ​ർ ത​ട​ഞ്ഞ് വെച്ച് പൊ​ലീ​സി​ന് കൈ​മാ​റു​ക​യാ​യി​രു​ന്നു. പോ​ത്ത​ൻ​കോ​ട് എ​സ്.​എ​ച്ച്.​ഒ മി​ഥു​ൻ, എ​സ്.​ഐ​മാ​രാ​യ രാ​ജീ​വ്, രാ​ജ​യ്യ​ൻ, സി.​പി.​ഒ പ്ര​സാ​ദ് എ​ന്നി​വ​രാ​ണ് പ്ര​തി​യെ അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.