പേരൂര്‍ക്കട: സ്‌കൂട്ടര്‍ ഡിവൈഡറിലിടിച്ച് യാത്രക്കാരിയായ യുവതി മരിച്ചു. വട്ടിയൂര്‍ക്കാവ് നേതാജി റോഡ് എന്‍.ആര്‍.ആര്‍.എ.-ഡി-1-ല്‍ നന്ദ അനീഷ് (25) ആണ് മരിച്ചത്.
ശനിയാഴ്ച രാവിലെ ഒമ്പതുമണിയോടെയായിരുന്നു സംഭവം. പേരൂര്‍ക്കട-അമ്പലംമുക്ക് റോഡില്‍ തങ്കമ്മ സ്റ്റേഡിയത്തിനു മുന്നിലായിരുന്നു അപകടം നടന്നത്. അമ്പലംമുക്ക് ഭാഗത്തേക്കു പോകവേയാണ് നന്ദ ഓടിച്ചിരുന്ന സ്‌കൂട്ടര്‍ ഡിവൈഡറിലിടിച്ച് അപകടത്തിൽപ്പെട്ടത്.
ഇടിയുടെ ആഘാതത്തിൽ, സ്‌കൂട്ടറില്‍ നിന്നു തെറിച്ചു വീണ നന്ദയുടെ തലയ്ക്കു ഗുരുതരമായി പരിക്കേറ്റിരുന്നു. ഉടന്‍ തന്നെ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
സംസ്‌കാരം ശനിയാഴ്ച വൈകീട്ട് ആറുമണിയോടെ ശാന്തികവാടത്തില്‍ നടന്നു. ഭര്‍ത്താവ്: കെ.അനീഷ് കുമാര്‍. മകള്‍: തനുശ്രീ.
Post Your Comments