സെഹോര്‍: പിതാവ് പാമ്പിനെ തല്ലിക്കൊന്നതിനു പിന്നാലെ മറ്റൊരു പാമ്പ് കടിച്ച് 12 കാരനായ മകന്‍ മരിച്ചു. മധ്യപ്രദേശിലെ സെഹോറിലാണ് നാടിനെ ഞെട്ടിച്ച സംഭവം നടന്നത് . ബുധ്നി ജോഷിപൂരില്‍ താമസിക്കുന്ന കിഷോര്‍ ലാലിന്റെ മകന്‍ രോഹിത്താണ് പാമ്പ് കടിയേറ്റ് മരിച്ചത്.
Read Also :കശ്മീരില്‍ സുരക്ഷാസേനയും ഭീകരരും തമ്മില്‍ ഏറ്റുമുട്ടല്‍
കൂലിപ്പണിക്കാരനായ കിഷോറിന്റെ വീടിനു പരിസരത്ത് നിന്ന് വ്യാഴാഴ്ച രാവിലെ പാമ്പിനെ കണ്ടെത്തിയിരുന്നു . ഇതിനെ കിഷോര്‍ ലാല്‍ തല്ലിക്കൊന്ന് മറവ് ചെയ്തു. തുടര്‍ന്ന്, ചൈത്ര നവരാത്രി പൂജകളില്‍ മുഴുകുകയും ചെയ്തു.
എന്നാല്‍, രാത്രി രണ്ട് മണിയോടെ വീട്ടില്‍ ഉറങ്ങുകയായിരുന്ന കിഷോരി ലാലിന്റെ മകന്‍ രോഹിതിനെ മറ്റൊരു പാമ്പ് കടിക്കുകയായിരുന്നു. തുടര്‍ന്ന്, രോഹിതിന്റെ നിലവിളി കേട്ട് വീട്ടുകാര്‍ രോഹിതിനെ ഹോഷംഗബാദിലെ ജില്ലാ ആശുപത്രിയില്‍ എത്തിച്ചു. അവിടെ നിന്ന് ഭോപ്പാലിലേക്ക് കൊണ്ടു പോയെങ്കിലും വഴിമധ്യേ രോഹിത് മരിക്കുകയായിരുന്നു.
Post Your Comments