പട്‌ന: മദ്യപിക്കുന്നവർക്കെതിരെ രൂക്ഷ വിമർശനവുമായി ബീഹാര്‍ മുഖ്യമന്ത്രി നിതീഷ് കുമാർ. മദ്യപിക്കുന്നവരെ ഇന്ത്യക്കാരായി പരിഗണിക്കാനാവില്ലെന്നും മദ്യപിക്കുന്നവര്‍ മഹാപാപികളാണെന്നും നിതീഷ് പറഞ്ഞു. വിഷ മദ്യം കഴിച്ച് മരിക്കുന്നവര്‍ക്ക് സഹായം നല്‍കാന്‍ സര്‍ക്കാര്‍ ബാധ്യസ്ഥരല്ലെന്നും അദ്ദേഹം കൂട്ടിച്ചേർത്തു.
‘മദ്യം കഴിക്കരുതെന്ന് മഹാത്മാ ഗാന്ധി പറഞ്ഞിട്ടുണ്ട്. അദ്ദേഹത്തിന്റെ തത്വത്തിനെതിരെ പ്രവര്‍ത്തിക്കുന്നവര്‍ മഹാപാപികളാണ്. അവരെ ഇന്ത്യക്കാരായി കാണാന്‍ കഴിയില്ല. വിഷമാണെന്നറിഞ്ഞിട്ടും ആളുകള്‍ മദ്യപിക്കുക്കയാണ്. അതുമൂലമുണ്ടാകുന്ന അനന്തരഫലങ്ങള്‍ക്ക് അവരാണ് ഉത്തരവാദികൾ. സര്‍ക്കാറിന് ബാധ്യത ഏല്‍ക്കാനാവില്ല’- നിതീഷ് കുമാര്‍ പറഞ്ഞു.
Post Your Comments