ഛണ്ഡീഗഡ്: ക്ഷേത്രത്തിനുള്ളില്‍ പൂജാരിയെ കൊല്ലപ്പെട്ട നിലയില്‍ കണ്ടെത്തി. ഹരിയാനയിലാണ് നാടിനെ ഞെട്ടിച്ച സംഭവം നടന്നത്. ഉത്തരാഖണ്ഡ് സ്വദേശിയായ ഗോബിന്ദ് ദാസിനെയാണ് മരിച്ച നിലയില്‍ കണ്ടെത്തിയത്. സംഭവത്തില്‍ പോലീസ് അന്വേഷണം ആരംഭിച്ചു.
Read Also : തെരഞ്ഞെടുപ്പില്‍ ജയിക്കേണ്ടത് എതിരാളികള്‍ക്കെതിരെ അക്രമം അഴിച്ചുവിട്ടുകൊണ്ടല്ല: അമിത് ഷാ
രാവിലെയായിരുന്നു ക്ഷേത്രത്തിനുള്ളില്‍ അദ്ദേഹത്തെ കൊല്ലപ്പെട്ട നിലയില്‍ കണ്ടത്. രക്തത്തില്‍ കുളിച്ച നിലയിലായിരുന്നു മൃതദേഹം കണ്ടെത്തിയത്. ക്ഷേത്രത്തിലേക്ക് എത്തിയ മറ്റൊരു പൂജാരിയാണ് ഗോബിന്ദ് ദാസിനെ മരിച്ച നിലയില്‍ കണ്ടത്. ഉടനെ വിവരം പോലീസിനെ അറിയിക്കുകയായിരുന്നു.
മോഷണ ശ്രമമാണ് കൊലപാതകത്തില്‍ കലാശിച്ചതെന്നാണ് പ്രാഥമിക നിഗമനം. എന്നാല്‍, വിലപിടിപ്പുള്ള വസ്തുക്കള്‍ നഷ്ടമായിട്ടില്ല. മുന്‍വൈരാഗ്യമാണോ കൊലയ്ക്ക് കാരണമെന്നും പരിശോധിക്കുന്നുണ്ട്. ഫോറന്‍സിക് സംഘം സ്ഥലത്ത് എത്തി പരിശോധന നടത്തി.
കഴിഞ്ഞ 35 വര്‍ഷമായി ക്ഷേത്രത്തില്‍ സേവ ചെയ്തുവരികയാണ് ഗോബിന്ദ് ദാസ്. ക്ഷേത്രത്തിലാണ് അദ്ദേഹം താമസിക്കാറ്.
Post Your Comments