മലപ്പുറം: കൊണ്ടോട്ടിയില്‍ സ്വകാര്യ ബസും ലോറിയും കൂട്ടിയിടിച്ചുണ്ടായ അപകടത്തില്‍ ഒരാള്‍ മരിച്ചു. നിരവധി പേര്‍ക്ക് പരിക്കേറ്റു. മലപ്പുറം അരീക്കോട് സ്വദേശി വിജി (25) ആണ് മരിച്ചത്.
പൂക്കോക്കട പെട്രോള്‍ പമ്പിന് മുമ്പില്‍ രാവിലെ ആറേ കാലോടെയായിരുന്നു അപകടം. മഞ്ചേരിയില്‍ നിന്ന് കോഴിക്കോട്ടേക്ക് പോകുകയായിരുന്ന ഐവിന്‍ ബസ് ആണ് അപകടത്തില്‍പ്പെട്ടത്.
Read Also : പണം കേന്ദ്രം തരും, വികസനം പാഴ്‌വാക്കല്ല, കൊച്ചി-ബാംഗ്ലൂർ വ്യാവസായിക ഇടനാഴി യഥാർഥ്യമാകും: മുഖ്യമന്ത്രി
അമിതവേഗതയില്‍ വന്ന ലോറി ബസിലിടിച്ചാണ് അപകടമുണ്ടായത്. ഇടിയുടെ ആഘാതത്തില്‍ ബസ് മറിയുകയായിരുന്നു. പരിക്കേറ്റവരെ കൊണ്ടോട്ടിയിലെ രണ്ട് സ്വകാര്യ ആശുപത്രികളിലായി പ്രവേശിപ്പിച്ചു.
കോഴിക്കോട് മെഡിക്കല്‍ കോളജ് ആശുപത്രിയിലെ നഴ്‌സിങ് ജീവനക്കാരിയാണ് മരിച്ച വിജി.
Post Your Comments