കോഴിക്കോട്: പ്രായപൂര്‍ത്തിയാകാത്ത പെൺകുട്ടിയെ അക്രമിച്ച് പരിക്കേല്‍പ്പിച്ച പ്രതിയെ മാറാട് പൊലീസ് അറസ്റ്റ് ചെയ്തു. നിഖില്‍ രാജിനെ ( 29 ) യാണ് പൊലീസ് പിടികൂടിയത്. മാറാട് ഉത്സവ ആഘോഷത്തിനിടെയാണ് പ്രായപൂര്‍ത്തിയാത്ത പെണ്‍കുട്ടിയുടെ കൈപിടിച്ച് തിരിക്കുകയും ആക്രമിക്കുകയും ചെയ്തത്. അക്രമത്തിന് ശേഷം പ്രതി ഒളിവില്‍ പോയിരുന്നു. കഴിഞ്ഞ ദിവസം പുലര്‍ച്ചെ മാറാട് പൊലീസ് രഹസ്യ സങ്കേതത്തില്‍ നിന്നാണ് പ്രതിയെ പിടികൂടിയത്.
മാറാട് ബീച്ച് കേന്ദ്രീകരിച്ച് സദാചാര ഗുണ്ടായിസം രൂക്ഷമാണ്. ഈ സംഘത്തില്‍പ്പെട്ടയാളാണോ പ്രതിയെന്നും പൊലീസ് അന്വേഷിക്കുന്നുണ്ട്. നിരവധി കേസുകളില്‍ പ്രതിയാണ് പിടിയിലായ നിഖില്‍ രാജ്. പ്രതിയുടെ ഇത്തരത്തിലുള്ള ക്രിമിനല്‍ പ്രവര്‍ത്തനം കാരണം സ്ഥലത്തെ സ്ത്രീകളുള്‍പ്പെടെയള്ള പരിസരവാസികള്‍ ആശങ്കയിലായിരുന്നു. ജാമ്യ വ്യവസ്ഥകള്‍ ലംഘിച്ചാണ് ഇയാള്‍ വനിതാ ദിനത്തില്‍ പ്രായപൂര്‍ത്തിയാകാത്ത പെണ്‍കുട്ടിയെ അക്രമിച്ചത്.
Post Your Comments