തിരുവനന്തപുരം: പെൺകുട്ടിയെ കൊലപ്പെടുത്താന്‍ ശ്രമിച്ച പ്രതി പിടിയിലായി. പ്രണയം നിരസിച്ചതിനെ പേരിൽ എംജി കോളജ് വിദ്യാര്‍ഥിനിയെ ആയുധം കൊണ്ട് കഴുത്തില്‍ മുറിവേല്‍പ്പിച്ച ശേഷം ഒളിവില്‍ പോയ പ്രാവച്ചമ്പലം അരിക്കട മുക്ക് അനസ് മന്‍സിലില്‍ ആരീഫ് (19) ആണ് പിടിയിലായത്. തമിഴ്‌നാട് കുളച്ചലില്‍ നിന്നുമാണ് പിടികൂടിയത്.
read also: എസ്‌എസ്‌എല്‍സി പരീക്ഷ ഹാളില്‍ മൊബൈല്‍ ഫോണ്‍ ഉപയോഗിച്ച് അധ്യാപികമാർ: ഫോണ്‍ പിടിച്ചെടുത്ത് സ്‌ക്വാഡ്
തിങ്കളാഴ്ച രാത്രി ഏഴ് മണിയോടെയാണ് സംഭവം. പേപ്പര്‍ മുറിക്കാന്‍ ഉപയോഗിക്കുന്ന ബ്‌ളേഡ് ഉപയോഗിച്ചായിരുന്നു ആക്രമണം. പ്രാവച്ചമ്പലം കോണ്‍വെന്റ് റോഡില്‍ വെച്ചായിരുന്നു ആക്രമണം. മുറിവേറ്റ വിദ്യാര്‍ത്ഥിനി മെഡിക്കല്‍ കോളജ് ആശുപത്രിയില്‍ ചികിത്സ തേടി. തുടര്‍ന്ന് പൊലീസ് വധശ്രമത്തിന് പൊലീസ് കേസെടുത്തു.
പിടിയിലായ ആരീഫിനെ സംഭവ സ്ഥലത്തെത്തിച്ച്‌ തെളിവെടുത്തു. പ്രേമനൈരാശ്യമായിരുന്നു അക്രമത്തിന് പിന്നിലെന്ന് നേമം സിഐ പ്രജീഷ് പറഞ്ഞു.
Post Your Comments