ശ്രീനഗര്‍: നിരോധിത ഭീകര സംഘടനയായ ലഷ്‌കര്‍-ഇ-തൊയ്ബയുമായി ബന്ധമുള്ള ആറ് ഭീകരര്‍ പോലീസിന്റെ പിടിയിലായി. പുല്‍വാമയില്‍ നിന്നാണ് ഭീകര സംഘത്തെ പിടികൂടിയത്. തീവ്രവാദികള്‍ക്ക് പാര്‍പ്പിടം ഒരുക്കല്‍, ലോജിസ്റ്റിക്സ് സൗകര്യങ്ങള്‍ ഏര്‍പ്പാടാക്കല്‍, തീവ്രവാദത്തിനായി ധനസമാഹരണം നടത്തല്‍, പണം കൈകാര്യം ചെയ്യല്‍, യുവാക്കളെ ഭീകരസംഘടനയില്‍ പ്രവര്‍ത്തിക്കാന്‍ പ്രചോദിപ്പിക്കല്‍ എന്നീ ദൗത്യങ്ങള്‍ നിര്‍വഹിച്ചിരുന്ന ഭീകര സംഘത്തെയാണ് പോലീസ് അറസ്റ്റ് ചെയ്തത്.
Read Also : പത്തുവയസുകാരിയെ ലൈംഗികമായി പീഡിപ്പിച്ചു: നൂറ്റിമൂന്നുകാരന് 10 വർഷം തടവ്
ലെല്‍ഹര്‍ കാകപോറ സ്വദേശി റൗഫ് അഹമ്മദ് ലോണ്‍ അംജിദ്, അലോച്ചിബാഗ് പാംപോര്‍ സ്വദേശി അഖിബ് മഖ്ബൂല്‍ ഭട്ട്, ലാര്‍വ് കാകപോറ സ്വദേശി ജാവൈദ് അഹമ്മദ് ദര്‍, സജാദ് അഹമ്മദ്, പുല്‍വാമ സ്വദേശി അര്‍ഷിദ് അഹ്‌മദ് മിര്‍, റമീസ് രാജ എന്നിവരാണ് അറസ്റ്റിലായത്. പിടിയിലായവരെക്കുറിച്ച് അന്വേഷണം ശക്തമാക്കിയിരിക്കുകയാണ് പോലീസ്.
Post Your Comments