എന്തൊരു വയലൻസും ജനാധിപത്യ വിരുദ്ധവുമാണ് എസ് എഫ് ഐക്കാരേ നിങ്ങളുടെ രാഷ്ട്രീയം: ശ്രീജ നെയ്യാറ്റിൻകര

തിരുവനന്തപുരം : രാഷ്ട്രീയ എതിരാളിയായ പെൺകുട്ടിയെ വളഞ്ഞിട്ടാക്രമിക്കുന്ന എസ് എഫ് ഐ പ്രവർത്തകർക്ക് നേരെ വിമർശനവുമായി ശ്രീജ നെയ്യാറ്റിൻകര. കെ എസ് യുവിന്റെ തിരുവനന്തപുരം ലോ കോളേജ് യൂണിറ്റ് പ്രസിഡന്റ് സഫ്നയ്ക്കു നേരെ എസ്എഫ്ഐ പ്രവർത്തകർ അതിക്രമം നടത്തുന്നതിന്റെ വീഡിയോ സമൂഹമാധ്യമങ്ങളിൽ പ്രചരിച്ചിരുന്നു. ‘എസ് എഫ് ഐ എന്നത് ഒരു പുരോഗമന രാഷ്ട്രീയ പ്രസ്ഥാനത്തിന്റെ വിദ്യാർഥി സംഘടനയാണെന്നാണ് വയ്പ് എന്നാൽ ഏതോ പ്രാകൃത കാലത്തെ ഓർമിപ്പിക്കുന്നു അവരുടെ പ്രവർത്തനങ്ങൾ’-എന്ന് ശ്രീജ കുറിച്ചു

read also: രാമൻപിള്ളക്കെതിരെയും ആളൂരിനെതിരെയുമെല്ലാം ഭീതി പരത്തും മുൻപ് നിങ്ങളിത് അറിയണം: അഡ്വ ശ്രീജിത്ത് പെരുമന
കുറിപ്പ് പൂർണ്ണ രൂപം

രാഷ്ട്രീയ എതിരാളിയായ പെൺകുട്ടിയെ വളഞ്ഞിട്ടാക്രമിക്കുന്ന എസ് എഫ് ഐ പ്രവർത്തകർ തെരുവിലെ ഗുണ്ടകളെ ഓർമ്മിപ്പിക്കുന്നു …

എസ് എഫ് ഐ എന്നത് ഒരു പുരോഗമന രാഷ്ട്രീയ പ്രസ്ഥാനത്തിന്റെ വിദ്യാർഥി സംഘടനയാണെന്നാണ് വയ്പ് എന്നാൽ ഏതോ പ്രാകൃത കാലത്തെ ഓർമിപ്പിക്കുന്നു അവരുടെ പ്രവർത്തനങ്ങൾ … തങ്ങളുടെ രാഷ്ട്രീയ എതിരാളികൾ തങ്ങൾക്കെതിരെ ഇലക്ഷനിൽ മത്സരിച്ചാൽ പോലും സഹിക്കവയ്യാത്ത ഈ പ്രാകൃത കൂട്ടങ്ങൾ എന്ത് ജനാധിപത്യവും സോഷ്യലിസവുമാണ് വിളമ്പുന്നത് …

ലോ കോളേജിന് മുന്നിലിട്ട് കെ എസ് യു ക്കാരിയായ ഒരു പെൺകുട്ടിയെയടക്കം നിരവധി കുട്ടികളെ പോലീസ് നോക്കി നിൽക്കുമ്പോൾ മാരകമായി ആക്രമിക്കുക അവരെ വലിച്ചിഴയ്ക്കുക എന്തൊരു വയലൻസും ജനാധിപത്യ വിരുദ്ധവുമാണ് എസ് എഫ് ഐ ക്കാരേ നിങ്ങളുടെ രാഷ്ട്രീയം ..

ഇതെത്രാമത്തെ തവണയാണ് എസ് എഫ് ഐയുടെ ഗുണ്ടാവിളയാട്ടം കേരളം ചർച്ച ചെയ്യുന്നത് …എന്നിട്ടെന്തെങ്കിലും പ്രയോജനമുണ്ടായോ സ്വന്തം മുന്നണിയിലെ വിദ്യാർത്ഥി സംഘടനാ പ്രവർത്തകരെ പോലും ആക്രമിച്ചു കൊണ്ടിരിക്കുന്ന എസ് എഫ് ഐ യെ നിലയ്ക്ക് നിർത്താൻ നിയമപാലകർ മാത്രമല്ല സി പി ഐ എമ്മും തയ്യാറാകണം … നിയമ പാലകർ ഇവർക്ക് മുന്നിൽ റാൻ മൂളി നിൽക്കുകയും സി പി ഐ എം ഇവർക്ക് ഒത്താശ ചെയ്തു കൊടുക്കുകയും ചെയ്യുന്ന രാഷ്ട്രീയ സാഹചര്യം അങ്ങേയറ്റം പ്രതിഷേധാർഹമാണ് …
എസ് എഫ് ഐ യുടെ ക്രൂര മർദ്ദനത്തിനിരയായ കെ എസ് യുവിന്റെ തിരുവനന്തപുരം ലോ കോളേജ് യൂണിറ്റ് പ്രസിഡന്റ് സഫ്നയ്ക്കും മറ്റ് കെ എസ് യു പ്രവർത്തകർക്കും ഐക്യദാർഢ്യം ….