കൊച്ചി: രാഹുൽ ഗാന്ധി അടക്കമുള്ള കോൺഗ്രസ് നേതൃത്വത്തെ രൂക്ഷമായി വിമർശിച്ച് കഥാകൃത്ത് ടി പദ്മനാഭൻ. കൊച്ചിയിൽ കോൺഗ്രസ് ഡിസിസി ഓഫീസിൽ ഒരുക്കിയ ലൈബ്രറി ഉദ്ഘാടനം ചെയ്യുന്ന വേദിയിലാണ് കോൺഗ്രസിനെതിരെ പദ്മനാഭൻ വിമർശനം ഉന്നയിച്ചത്. അഞ്ചു സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പിൽ കോൺഗ്രസിന് കനത്ത പരാജയം ഉണ്ടായ സാഹചര്യത്തിലാണ് കോൺഗ്രസ് വേദിയിൽത്തന്നെ നേതൃത്വത്തിനെതിരെ അദ്ദേഹം ആഞ്ഞടിച്ചത്.
‘കോൺഗ്രസിനെ തോൽപ്പിക്കാൻ ആർക്കും കഴിയില്ല. പക്ഷേ, ഒരു കൂട്ടർക്കു കോൺഗ്രസിനെ തോൽപിക്കാൻ കഴിയും, അതു കോൺഗ്രസുകാർക്കു തന്നെയാണ്. കോൺഗ്രസുകാർ തന്നെയാണ് പാർട്ടിയെ തോല്പിക്കുന്നത്. അട്ടയെപ്പോലെ ചിലർ അധികാരത്തിൽ പിടിച്ചിരിക്കുകയാണ്. അവർ പാർട്ടിയെ നശിപ്പിക്കുന്നു. ജയിച്ചുകഴിഞ്ഞു മണ്ഡലത്തിലേക്കു തിരിഞ്ഞുനോക്കാതെ നടന്ന ആളാണ് രാഹുൽ ഗാന്ധി. അമേത്തിയിൽ സ്ഥിരമായി ജനങ്ങൾ ജയിപ്പിച്ചുകൊള്ളുമെന്നാണ് അദ്ദേഹം കരുതിയത്. അവസാനം ജയിക്കാനായി അദ്ദേഹത്തിനു വയനാട്ടിലേക്കു വരേണ്ടി വന്നു. കഥാകൃത്ത് കുറ്റപ്പെടുത്തി’, ടി.പദ്മനാഭൻ പറഞ്ഞു.
Post Your Comments