ഉദയംപേരൂര്‍: പഞ്ചായത്തംഗത്തെ വീട്ടില്‍ കയറി ആക്രമിച്ച കേസിലെ സംഘത്തിൽ പെട്ടയാൾ അറസ്റ്റിൽ. ഉദയംപേരൂര്‍ ഒട്ടോളി കോളനി ഓട്ടോളി വീട്ടില്‍ സനല്‍ കുമാറിനെ (കുട്ടാപ്പു -33)യാണ് ഉദയംപേരൂര്‍ പൊലീസ് അറസ്റ്റ് ചെയ്തത്.
കഴിഞ്ഞ വ്യാഴാഴ്ചയാണ് കേസിനാസ്പദമായ സംഭവം. 19-ാം വാര്‍ഡ് മെമ്പര്‍ കെ. അനില്‍ കുമാറിനെയാണ് കാറിലെത്തിയ സംഘം ആക്രമിച്ചത്. തൃപ്പൂണിത്തുറ വലിയകാട്ടിലെ ചെമ്മീന്‍ കെട്ടില്‍ നിന്നാണ് പ്രതിയെ പൊലീസ് പിടികൂടിയത്.
എസ്.ഐ ബാബുവിന്റെ നേതൃത്വത്തില്‍ സീനിയര്‍ സി.പി.ഒ ദിനേശന്‍, സി.പി.ഒമാരായ ഗുജ്റാള്‍, ദീപേഷ്, വിനീത്, ബിനില്‍ എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments