ന്യൂഡല്‍ഹി: അഞ്ച് സംസ്ഥാനങ്ങളിൽ നടന്ന തിരഞ്ഞെടുപ്പിൽ തിരിച്ചടി നേടിയിട്ടും ആത്മവിശ്വാസം കൈവിടാതെ കോണ്‍ഗ്രസ്. തിരഞ്ഞെടുപ്പ് ഫലങ്ങളില്‍ തങ്ങള്‍ക്ക് ഭയമില്ലെന്നറിയിച്ച് രാഹുല്‍ ഗാന്ധി ബിജെപിക്കെതിരെ പ്രസംഗിക്കുന്ന ഒരു വീഡിയോ കോണ്‍ഗ്രസ് പങ്കുവെച്ചു.
‘നമ്മള്‍ ഏതെങ്കിലും ഒന്നിനെ ഭയക്കുമ്പോള്‍, അതിനാല്‍ ഭയപ്പെടാന്‍ നമ്മള്‍ തീരുമാനിക്കുകയാണ് ചെയ്യുന്നത്. എന്തിനേക്കുറിച്ചാണ് ഭയപ്പെടാന്‍ പോകുന്നതെന്ന് നാം ബോധപൂര്‍വ്വം തീരുമാനിക്കുന്നു. പക്ഷെ, മറ്റൊരു തീരുമാനം കൂടി അവിടെയുണ്ട്. നിങ്ങള്‍ക്ക് തിരിഞ്ഞുനില്‍ക്കാം. എന്നിട്ട് ഇങ്ങനെ പറയാം. എനിക്ക് ഭയമില്ല. നിങ്ങള്‍ എന്ത് തന്നെ ചെയ്താലും എനിക്ക് ഭയമില്ല’- വീഡിയോയിൽ രാഹുൽ പറഞ്ഞു.
യുപി, ഉത്തരാഖണ്ഡ്, പഞ്ചാബ്, ഗോവ, മണിപ്പൂര്‍ എന്നീ സംസ്ഥാനങ്ങളിലേക്ക് നടന്ന തെരഞ്ഞെടുപ്പില്‍ കോണ്‍ഗ്രസ് വന്‍ തകര്‍ച്ചയാണ് നേരിടുന്നത്. ഏറ്റവുമൊടുവില്‍ ലഭിക്കുന്ന വിവരമനുസരിച്ച് യുപിയില്‍ നാലാം സ്ഥാനത്താണ് കോണ്‍ഗ്രസ്. അഞ്ചിലേറെ സീറ്റുകള്‍ ലഭിക്കാനുള്ള സാധ്യത അവസാനിക്കുകയും ചെയ്തു. പഞ്ചാബിലാണ് കോണ്‍ഗ്രസിന് ഏറ്റവും വലിയ തകര്‍ച്ചയുണ്ടായത്. ഭരണം നഷ്ടപ്പെട്ടത് കൂടാതെ, സീറ്റുകള്‍ മൂന്നിലൊന്നായി കുറയുന്ന അവസ്ഥയിലാണ് കോൺഗ്രസ്.
Post Your Comments