റിയാദ്: മക്കയിലെ ഗ്രാൻഡ് മോസ്‌കിൽ പ്രാർത്ഥനകൾ നിർവഹിക്കുന്നതിന് മുൻകൂർ അനുമതികളോ, പെർമിറ്റോ ആവശ്യമില്ലെന്ന് സൗദി. ഹജ്ജ്, ഉംറ മന്ത്രാലയമാണ് ഇക്കാര്യം അറിയിച്ചത്. ഗ്രാൻഡ് മോസ്‌കിൽ പ്രാർത്ഥിക്കുന്നതിന് പെർമിറ്റ് ആവശ്യമില്ല. എന്നാൽ, ഉംറ തീർത്ഥാടനത്തിനുള്ള പെർമിറ്റ് സംവിധാനം തുടരുന്നതാണ്. ഇത്തരം പെർമിറ്റുകൾ Eatmarna അല്ലെങ്കിൽ Tawakkalna ആപ്പിലൂടെ ലഭ്യമാണ്. Tawakkalna ആപ്പിൽ ‘immune’ സ്റ്റാറ്റസ് ഉള്ളവർക്ക് ഗ്രാൻഡ് മോസ്‌കിലേക്ക് പ്രവേശനം അനുവദിക്കുന്നതാണ്.
അതേസമയം, സൗദിയിൽ കോവിഡ് നിയന്ത്രണങ്ങളിൽ ഇളവും പ്രഖ്യാപിച്ചിട്ടുണ്ട്. വിദേശ രാജ്യങ്ങളിൽ നിന്നും സൗദിയിലേക്കുള്ള പ്രവേശന വിലക്കും പിൻവലിച്ചു. സൗദിയിലേക്ക് വരുന്നതിന് മുമ്പ് ഇനി മുതൽ പിസിആർ ടെസ്റ്റോ, റാപ്പിഡ് ആന്റിജൻ ടെസ്റ്റോ ആവിശ്യമില്ല. സൗദിയിൽ നിന്നും രണ്ടു ഡോസ് കോവിഡ് വാക്‌സിൻ സ്വീകരിക്കാതെ എത്തുന്നവർ ക്വാറന്റെയ്‌നിൽ കഴിയണമെന്ന വ്യവസ്ഥയും പിൻവലിച്ചു. തുറന്ന സ്ഥലങ്ങളിൽ മാസ്‌ക് ധരിക്കേണ്ടതില്ലെന്നും സൗദി വ്യക്തമാക്കി. എന്നാൽ, അടച്ചിട്ട സ്ഥലങ്ങളിൽ മാസ്‌ക് നിർബന്ധമായും ധരിക്കണം. അടച്ചിട്ടതും തുറന്നതുമായ എല്ലാ സ്ഥലങ്ങളിലും പരിപാടികളിലും സാമൂഹിക അകലം പാലിക്കൽ നിർബന്ധമില്ല.
Post Your Comments