വനിതാ ദിനം: കുറഞ്ഞ തുകയിൽ കിടിലൻ ടൂറിസം ഓഫറുകളുമായി കെടിഡിസി

കൊച്ചി: വനിതാ ദിനത്തോടനുബന്ധിച്ചുള്ള ആഘോഷങ്ങളുടെ ഭാഗമായി,സ്ത്രീകൾക്ക് പ്രത്യേക ടൂറിസം ഓഫറുകളുമായി കേരള ടൂറിസം ഡെവലപ്മെന്റ് കോര്‍പറേഷന്‍ (കെടിഡിസി). മാര്‍ച് 6 മുതല്‍ 12 വരെയാണ് ഓഫര്‍. പ്രീമിയം, ബജറ്റ് പ്രോപര്‍ടികളില്‍ സ്ത്രീകള്‍ക്ക് കുറഞ്ഞ ചിലവില്‍ മുറി വാടകയ്ക്ക് നല്‍കുന്നു. റൂം റെൻറിനും കോംപ്ലിമെൻററി ഭക്ഷണത്തിനും 50 ശതമാനം വരെ കിഴിവും, പ്രീമിയം റെസ്റ്റോറൻറുകളിൽ ഭക്ഷണത്തിന് 20 ശതമാനം വരെ ഇളവും ലഭിക്കും.

Read Also  :  പീഡനക്കേസിൽ തരം താഴ്ത്തപ്പെട്ട പി കെ ശശിയെ സംസ്ഥാന സമിതിയിലേക്ക് ഉയർത്തി: ഇത് നല്ല സന്ദേശമെന്ന് പാർട്ടി സെക്രട്ടറി

ബോൾഗാട്ടി(കൊച്ചി), ടീകൗണ്ടി(മൂന്നാർ), വാർട്ടർസ്കേപ്സ്(കുമരകം), സമുദ്ര(കോവളം), ആരണ്യനിവാസ്, ലേക്ക്പാലസ്(തേക്കടി), മാസ്ക്കറ്റ് ഹോട്ടൽ(തിരുവനന്തപുരം) എന്നിവയാണ് പ്രീമിയം റിസോർട്ടുകൾ. ബഡ്ജറ്റ് റിസോർട്ടുകളായ ഗോൾഡൻപീക്ക്(പൊന്മുടി), പെരിയാർഹൗസ് (തേക്കടി), സുവാസം കുമരകം ഗേറ്റ്‌വേ റിസോർട്ട്(തണ്ണീർമുക്കം), ഗ്രാൻഡ് ചൈത്രം(തിരുവനന്തപുരം), പെപ്പർ ഗ്രോവ്(സുൽത്താൻ ബത്തേരി), റിപ്പിൾലാൻഡ് (ആലപ്പുഴ), ഫോക്ക്‌ലാൻഡ് (പറശിനിക്കടവ്), ലൂംലാൻഡ് (കണ്ണൂർ), നന്ദനം (ഗുരുവായൂർ), ഗാർഡൻഹൗസ് (മലമ്പുഴ) എന്നിവിടങ്ങളിലും ഓഫർ ലഭിക്കും. ബുക്കിംഗിന് centralreservation@ktdc.com എന്ന വെബ്സൈറ്റ് സന്ദർശിക്കാം. ഫോൺ: 9400008585, 0471- 2316736, 2725213.