തൃശൂരിൽ യുവാവിനെ വീട്ടിൽ കയറി കുത്തിക്കൊന്നു

തൃശൂർ: കേച്ചേരിയില്‍ യുവാവിനെ അര്‍ധരാത്രി വീട്ടില്‍ കയറി കുത്തിക്കൊന്നു. കേച്ചേരി സ്വദേശി ഫിറോസ് (40)ആണ് കൊല്ലപ്പെട്ടത്. രണ്ടം​ഗ സംഘമാണ് ആക്രമിച്ചതെന്ന് പൊലീസ് പറഞ്ഞു. കൊല്ലപ്പെട്ട ഫിറോസ്, നിരവധി കേസുകളില്‍ പ്രതിയായിരുന്നു. ഇയാൾ കഞ്ചാവ് ഇടപാടുകൾ നടത്തിയിരുന്നതായും പോലീസ് പറഞ്ഞു.

Read Also  :  കരിപ്പൂരിൽ വൻ സ്വർണവേട്ട: കോഴിക്കോട് സ്വദേശികൾ പിടിയിൽ

ഇന്നലെ രാത്രിയായിരുന്നു സംഭവം നടന്നത്. ഫിറോസ് താമസിക്കുന്ന വാടക ക്വാർട്ടേഴ്സിലെത്തിയ അക്രമി സംഘം വീട്ടിൽ കയറി കുത്തിപ്പരുക്കേൽപ്പിക്കുകയായിരുന്നു. വയറിന് പരിക്കേറ്റ ഫിറോസിനെ ഉടൻ തന്നെ തൃശ്ശൂർ മെഡിക്കൽ കോളേജിലെത്തിച്ചെങ്കിലും ജീവൻ രക്ഷിക്കാനായില്ല. മുൻ വൈരാ​ഗ്യമാണ് കൊലപാതകത്തിന് പിന്നിലെന്നാണ് പ്രാഥമിക നി​ഗമനം.