അ​ച്ഛ​നും മ​ക​നും ചേ​ർ​ന്ന് മധ്യവയസ്കനെ കൊല്ലാൻ ശ്രമിച്ച കേസ് : ര​ണ്ടാം പ്ര​തി​യും പി​ടി​യി​ല്‍

പ​ത്ത​നം​തി​ട്ട: അ​ച്ഛ​നും മ​ക​നും ചേ​ർ​ന്ന് മധ്യവയസ്കനെ കൊല്ലാൻ ശ്രമിച്ച കേസിൽ ര​ണ്ടാം പ്ര​തി​യും അറസ്റ്റിൽ. കൊ​ടു​മ​ണ്‍ ര​ണ്ടാം​കു​റ്റി മ​ഠ​ത്തി​നാ​ല്‍ വീ​ട്ടി​ല്‍ നാ​രാ​യ​ണ​നെ​യാ​ണ് (75) കൊ​ടു​മ​ണ്‍ പൊ​ലീ​സ് അ​റ​സ്റ്റ് ചെ​യ്ത​ത്.

ക​ഴി​ഞ്ഞ ഡി​സം​ബ​ര്‍ നാ​ലി​നാ​ണ് കേ​സി​നാ​സ്പ​ദ​മാ​യ സം​ഭ​വം. കൊ​ടു​മ​ണ്‍ ചാ​ങ്കൂ​ര്‍​ത്ത​റ ത​ട്ടാ​ശേ​രി​യി​ല്‍ വീ​ട്ടി​ല്‍ അ​നി​ല്‍​കു​മാ​റി (53) നെ ​അ​ച്ഛ​നും മ​ക​നും ചേ​ർ​ന്ന് മു​ൻ​വൈ​രാ​ഗ്യം കാ​ര​ണം ചാ​ങ്കൂ​ര്‍​ത്ത​റ​യി​ല്‍ വ​ച്ച് മ​ര്‍​ദി​ച്ച് ഗു​രു​ത​ര​മാ​യി പ​രി​ക്കേ​ല്പി​ച്ചി​രു​ന്നു. സ്‌​കൂ​ട്ട​റി​ല്‍ പോ​ക​വേ അ​നി​ൽ​കു​മാ​റി​നെ പ്ര​തി​ക​ള്‍ ത​ട​ഞ്ഞു​നി​ര്‍​ത്തി അ​സ​ഭ്യം വി​ളി​ക്കു​ക​യും മ​ര്‍​ദി​ക്കു​ക​യാ​യി​രു​ന്നു. മ​ര്‍​ദ​നത്തിൽ അ​നി​ല്‍​കു​മാ​റി​ന് ഗു​രു​ത​ര​മാ​യി പ​രി​ക്കേ​റ്റിരുന്നു.

Read Also : ഇനി മുതൽ ഒന്നാം ക്ലാസിൽ ചേരണമെങ്കിൽ 5 വയസ്സ് പോരാ, ദേശീയ വിദ്യാഭ്യാസ നയപ്രകാരം പുതിയ നിർദ്ദേശം

ഒ​ന്നാം പ്ര​തിയും ര​ണ്ടാം പ്ര​തിയുടെ മകനുമായി കൊ​ടു​മ​ണ്‍ ര​ണ്ടാം​കു​റ്റി മ​ഠ​ത്തി​നാ​ല്‍ വീ​ട്ടി​ല്‍ ഷി​ബു(40)​വി​നെ അ​ന്നു രാ​ത്രി ത​ന്നെ പൊലീ​സ് അ​റ​സ്റ്റ് ചെ​യ്തു. മ​ക​ന്‍ പി​ടി​യി​ലാ​യ​തോ​ടെ നാ​രാ​യ​ണ​ന്‍ ഒ​ളി​വി​ല്‍ പോവുകയായിരുന്നു.

തുടർന്ന്, ജി​ല്ലാ പൊ​ലീ​സ് മേ​ധാ​വി സ്വ​പ്നി​ല്‍ മ​ധു​ക​ര്‍ മ​ഹാ​ജ​ന്‍റെ നി​ര്‍​ദേ​ശ​പ്ര​കാ​രം അ​ന്വേ​ഷ​ണം ഊ​ര്‍​ജി​ത​മാ​ക്കി​യ പൊലീ​സ്, ഇ​ന്ന​ലെ രാ​ത്രി ഇ​യാ​ളെ കൊ​ടു​മ​ണ്‍ പ്ലാ​വേ​ലി​ല്‍ പു​തു​മ​ല​യി​ല്‍ നി​ന്നും പി​ടി​കൂടു​ക​യാ​യി​രു​ന്നു. പൊലീ​സ് ഇ​ന്‍​സ്പെ​ക്ട​ര്‍ മ​ഹേ​ഷ് കു​മാ​റി​ന് ല​ഭി​ച്ച ര​ഹ​സ്യ വി​വ​ര​ത്തെ​ തു​ട​ര്‍​ന്ന് എ​സ്ഐ അ​നൂ​പ് ച​ന്ദ്ര​ന്‍റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘ​മാ​ണ് പി​ടി​കൂ​ടി​യ​ത്. പ്രതിയെ ഇന്ന് കോടതിയിൽ ഹാജരാക്കും.