ചിങ്ങവനം: ബൈക്ക് കാറിലിടിച്ചുണ്ടായ അപകടത്തിൽ ബൈക്ക് യാത്രക്കാരായ രണ്ട് യുവാക്കൾക്ക് പരിക്കേറ്റു. കുറിച്ചി സ്വദേശികളായ ജിജോ ജോസഫ് (41), ബിനോയ് (43) എന്നിവർക്കാണ് പരിക്കേറ്റത്.
ഇന്നലെ വൈകുന്നേരം അഞ്ചിനാണ് അപകടം നടന്നത്. എംസി റോഡിൽ, ചിങ്ങവനം പുത്തൻപാലത്തിന് സമീപമാണ് അപകടമുണ്ടായത്. ചിങ്ങവനം ഭാഗത്തു നിന്നും കുറിച്ചി ഭാഗത്തേക്കു പോകുകയായിരുന്ന ബൈക്ക് എതിർദിശയിൽ വന്ന കാറുമായി കൂട്ടിയിടിക്കുകയായിരുന്നു.
Read Also : ആകാശത്ത് മിസൈൽ വർഷം, മരണം മുന്നിൽ കണ്ട് ഉക്രൈൻ ജനത തെരുവിൽ: സൈന്യത്തെ അയക്കാതെ കൈകഴുകി ബൈഡനും
അപകടത്തെ തുടർന്ന് റോഡിൽ കിടന്ന യുവാക്കളെ ചിങ്ങവനം പൊലീസ് എത്തിയാണ് ആശുപത്രിയിലെത്തിച്ചത്. അപകടമുണ്ടാക്കിയ കാർ പൊലീസ് കസ്റ്റഡിയിൽ എടുത്തു.
Post Your Comments