കണ്ണൂർ: മുസ്ലിം മത വിശ്വാസിയായ സ്ത്രീയെ ചേർത്തുനിർത്തി ആശ്വസിപ്പിക്കുന്ന മുത്തപ്പൻ തെയ്യത്തിന്റെ വീഡിയോ കഴിഞ്ഞ ദിവസം സോഷ്യൽ മീഡിയയിൽ ചർച്ചയായിരുന്നു. ഇതിന് പിന്നാലെ, അനായാസം തെങ്ങിൻ മുകളിൽ കയറി തേങ്ങയിടുന്ന തെയ്യത്തിന്റെ വീഡിയോ സോഷ്യൽ മീഡിയയിൽ തരംഗമാകുന്നു.
തെങ്ങുകയറ്റക്കാർ ഉപയോഗിക്കുന്ന യാതൊരു സുരക്ഷാ സംവിധാനവും ഇല്ലാതെയാണ് തെയ്യം ചാഞ്ഞുനില്‍ക്കുന്ന തെങ്ങിന് മുകളിലേക്ക് കയറുന്നത്. താഴെ കൂടിനിൽക്കുന്ന ആളുകൾ ആർത്തുവിളിക്കുന്നതും ദൃശ്യങ്ങളിൽ വ്യക്തമാണ്. എന്നാൽ അവയൊന്നും വകവെക്കാതെ അനായാസേന മുകളിലേക്ക് കയറിയ തെയ്യം മുകളിലെത്തി തേങ്ങയിടുകയും തിരികെ താഴെയിറങ്ങുന്നതും, തല കീഴായി കിടന്ന് അഭ്യാസം കാട്ടുന്നതും ദൃശ്യങ്ങളിൽ വ്യക്തമാണ്.
Post Your Comments