വിദ്യാർഥികളെന്ന പേരിൽ വീടെടുത്ത് ലഹരിവിൽപന : യുവതി ഉൾപ്പെടുന്ന സംഘം അറസ്റ്റിൽ

കൊച്ചി : വിദ്യാർഥികളെന്ന പേരിൽ വീടെടുത്തു സ്കൂൾ, കോളജ് വിദ്യാർഥികൾക്കിടയിൽ ലഹരി വിൽപന നടത്തി വന്ന യുവതി ഉൾപ്പെടുന്ന അഞ്ചംഗ സംഘം പൊലീസിന്റെ പിടിയിൽ. ഇടപ്പള്ളി പോണേക്കര റൈ–റാസ് അപാർട്മെന്റിൽ താമസിക്കുന്ന വൈഷ്ണവി സുരേഷാണ് പിടിയിലായ സംഘത്തിലെ വനിത.

മലപ്പുറം പുറങ്ങ് അന്തിപ്പാട്ടിൽ മുസമ്മിൽ(22), കൊല്ലം അയലറ, സൗപർണിക വീട്ടിൽ സനുരാജ്(24), കോതമംഗലം വടാട്ടുപാറ പുത്തൻപുരയ്ക്കൽ അനന്തു എസ്. നായർ(23), വയനാട് വൈത്തിരി ഇലയടത്തു വീട്ടിൽ അഭിഷേക്(22) എന്നിവരാണു മറ്റു പ്രതികൾ.

ബെംഗളുരുവിൽ നിന്നു കുറഞ്ഞ വിലയ്ക്കു വാങ്ങുന്ന എംഡിഎംഎ ഇനത്തിൽ പെട്ട ലഹരി കൊച്ചിയിലെത്തിച്ച് ഗ്രാമിന് 3500 രൂപയ്ക്കു വിൽപന നടത്തി വരികയായിരുന്നു. 20 ഗ്രാം ലഹരി ഇവരിൽ നിന്നു പിടികൂടിയിട്ടുണ്ട്.