മലപ്പുറം: 22 കിലോഗ്രാം കഞ്ചാവുമായി രണ്ട് പേർ പൊലീസ് പിടിയിൽ. കരുവാരകുണ്ട് തരിശ് സ്വദേശികളായ കെ. റഷാദ് (28), ഫാസിൽ (31) എന്നിവരെയാണ് മലപ്പുറം ഇൻസ്പെക്ടർ ജോബി തോമസിന്‍റെ നേതൃത്വത്തിലുള്ള സംഘം പിടികൂടിയത്.
ബുധനാഴ്ച രാത്രി മലപ്പുറം കടുങ്ങൂത്ത് നടത്തിയ വാഹന പരിശോധനയിലാണ് ഇരുവരും പിടിയിലായത്. കാറിൽ വിൽപനക്കായി എത്തിച്ച കഞ്ചാവാണ് പിടികൂടിയത്.
എസ്.ഐമാരായ വി. അമീറലി, മുഹമ്മദ് അലി, എം. ഗിരീഷ്, എ.എസ്.ഐ സിയാദ് കോട്ട, ആന്‍റി നാർകോട്ടിക് ടീം അംഗങ്ങളായ ഐ.കെ. ദിനേശ്, പി. മുഹമ്മദ് സലീം, ആർ. ഷഹേഷ്, കെ.കെ. ജസീർ, ഹമീദലി, പി. രജീഷ്, ഒ.കെ. ജാഫർ, എം. ഉസ്മാൻ എന്നിവരടങ്ങിയ സംഘമാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Post Your Comments