അബുദാബി: റെഡ് സിഗ്നൽ മറികടക്കുന്നവർക്കെതിരെ കർശന നടപടി സ്വീകരിക്കുമെന്ന് മുന്നറിയിപ്പ് നൽകി അബുദാബി. 51,000 ദിർഹമാണ് നിയമലംഘകർക്കെതിരെ ചുമത്തുന്ന പിഴ. 12 ബ്ലാക് പോയിന്റ്, 30 ദിവസത്തേക്കു വാഹനം കണ്ടുകെട്ടുക, 6 മാസത്തേക്കു ലൈസൻസ് റദ്ദാക്കുക എന്നിവയാണു ശിക്ഷയെങ്കിലും കണ്ടുകെട്ടിയ വാഹനം തിരിച്ചെടുക്കണമെങ്കിൽ 50,000 ദിർഹം വേറെയും നൽകണമെന്നാണ് അധികൃതർ നൽകുന്നത്.
3 മാസത്തിനകം തിരിച്ചെടുത്തില്ലെങ്കിൽ വാഹനം ലേലം ചെയ്യും. നിയമലംഘനവും അപകടവും കുറയ്ക്കുന്നതിന്റെ ഭാഗമായാണ് പുതിയ നടപടികളെന്ന് അധികൃതർ വ്യക്തമാക്കി. റെഡ് സിഗ്നൽ മറികടക്കുന്നതുമൂലം ഉണ്ടാകുന്ന അപകട ദൃശ്യവും ചിത്രങ്ങൾ സാമൂഹ്യ മാദ്ധ്യമങ്ങളിൽ പോസ്റ്റ് ചെയ്തു കൊണ്ടാണ് അധികൃതർ മുന്നറിയിപ്പ് നൽകുന്നത്.
Post Your Comments