ചെ​വി​യി​ൽ പാ​റ്റ ക​യ​റി​യ​തിന് ജ​ന​റ​ൽ ആ​ശു​പ​ത്രി​യി​ലെ​ത്തി​: മകന് വേ​ണ്ട ചി​കി​ത്സ ല​ഭി​ച്ചി​ല്ലെ​ന്ന് അ​ധ്യാ​പി​ക

ആ​ല​പ്പു​ഴ: രാ​ത്രി​യി​ൽ ചെ​വി​യി​ൽ പാ​റ്റ ക​യ​റി​യ​തി​നെത്തുട​ർ​ന്ന് ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ലെ​ത്തി​ച്ച മ​ക​നു വേ​ണ്ട ചി​കി​ത്സ ല​ഭി​ച്ചി​ല്ലെ​ന്ന് പരാതിയുമായി അ​ധ്യാ​പി​ക​യാ​യ മാ​താ​വ്. നോ​ർ​ത്ത് ആ​ര്യാ​ട് കു​രി​ശി​ങ്ക​ൽ വീ​ട്ടി​ൽ നി​ഷാ ക്ലീ​റ്റ​സി​ന്‍റെ പ​തി​മൂ​ന്നു വ​യ​സാ​യ മ​ക​നെ​യാ​ണ് പത്തിന് ​ജ​ന​റ​ൽ ആ​ശു​പ​ത്രി​യി​ലെ​ത്തി​ച്ച​ത്.

കു​ട്ടി വേ​ദ​നകൊ​ണ്ട് ക​ര​ഞ്ഞ​തി​നെതു​ട​ർ​ന്ന് ആ​ശു​പ​ത്രി​യി​ൽ വി​ളി​ച്ച് ഇ​എ​ൻ​ടി ഡോ​ക്ട​ർ ഉ​ണ്ടെ​ന്ന് ഉ​റ​പ്പുവ​രു​ത്തി​യാ​ണ് നി​ഷ മ​ക​നെ ആ​ശു​പ​ത്രി​യി​ലെ​ത്തി​ച്ച​ത്. എന്നാൽ ആശുപത്രിയിലെത്തിയപ്പോൾ ഡ്യൂ​ട്ടി ഡോ​ക്ട​ർ കാ​തി​ൽ ടോ​ർ​ച്ച് അ​ടി​ച്ച് നോ​ക്കി കു​ഴ​പ്പ​മി​ല്ലെ​ന്ന് പ​റ​ഞ്ഞ് വേ​ദ​ന​സം​ഹാ​രി​ ഗു​ളി​ക മാ​ത്രം ന​ല്കി വീട്ടിൽ വിടുകയായിരുന്നു.

Read Also : വർഷങ്ങളായി പ​ള്ളി​യു​ടെ പേ​രി​ലുള്ള ഭൂമിയിൽ ക​ട​ക്ക​രു​തെ​ന്ന് വി​ല​ക്ക്

വീ​ട്ടി​ൽ എ​ത്തി​യി​ട്ടും വേ​ദ​ന സ​ഹി​ക്കാ​ൻ പ​റ്റാ​തെ കു​ട്ടി ക​ര​ഞ്ഞ​തി​നെതു​ട​ർ​ന്ന് ഇ​ന്ന​ലെ രാ​വി​ലെ സ​മീ​പ​ത്തു​ള്ള സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച് ചെ​വി​ൽ നി​ന്നു പാ​റ്റ​യെ നീ​ക്കം ചെ​യ്തു.

ഉത്തരവാദിത്തമില്ലാതെ പെ​രു​മാ​റി​യ ജ​ന​റ​ൽ ആ​ശു​പ​ത്രി​യി​ലെ ഡ്യൂ​ട്ടി ഡോ​ക്ട​ർ, ഡ്യൂ​ട്ടി​യി​ലു​ണ്ടാ​യി​രു​ന്നി​ട്ടും കു​ട്ടി​ക്ക് ആ​വ​ശ്യ​മാ​യ ചി​കി​ൽ​സ ന​ൽ​കാ​തി​രു​ന്ന ഇ​എ​ൻ​ടി ഡോ​ക്ട​ർ എ​ന്നി​വ​ർ​ക്കെ​തി​രെ ഉ​ചി​ത​മാ​യ നി​യ​മ ന​ട​പ​ടി അ​ധി​കൃ​ത​ർ സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് നി​ഷാ ക്ലീ​റ്റ​സ് ജി​ല്ലാ ലീ​ഗ​ൽ സ​ർ​വീ​സ് അ​തോ​റി​റ്റി​ക്ക് ആണ് പ​രാ​തി ന​ല്കിയത്.