മുംബൈ : കടം വാങ്ങിയ 100 രൂപ തിരികെ നൽകാത്തതിന് യുവാവ് സുഹൃത്തിനെ കഴുത്ത് ഞെരിച്ച് കൊലപ്പെടുത്തി. മുംബൈയിലെ ദഹിസാറിൽ ഇരുപത്തെട്ടുകാരനായ യുവാവാണ് സുഹൃത്തായ 40 -കാരൻ രാജു പാട്ടീലിനെ കഴുത്ത് ഞെരിച്ച് കൊലപ്പെടുത്തയത്. സംഭവത്തിൽ പ്രതിയായ പരമേശ്വർ കൊക്കാട്ടെയെ പൊലീസ് അറസ്റ്റ് ചെയ്തു.
പാട്ടീലിന്റെ ബന്ധു പ്രതിയില്‍ നിന്ന് 100 രൂപ കൈപ്പറ്റിയിരുന്നു. ഈ തുക തിരികെ ചോദിച്ചെങ്കിലും നല്‍കിയിരുന്നില്ല. ഇത് തിരികെ തരാത്തതിനെക്കുറിച്ച് ചോദ്യം ചെയ്തതാണ് തര്‍ക്കത്തിലേക്കും തുടര്‍ന്ന് കൊലപാതകത്തിലേക്കും നയിച്ചതെന്ന് പോലീസ് പറഞ്ഞു.
Read Also : പോള്‍ കോളിംഗ്‍‍വുഡിനെ ഇംഗ്ലണ്ട് ക്രിക്കറ്റ് ടീമിന്റെ പുതിയ പരിശീലകനായി നിയമിച്ചു
കൊലപാതകം നടത്തിയ ശേഷം ആത്മഹത്യയെന്ന് പോലീസിനെ തെറ്റിദ്ധരിപ്പിക്കാനായി മൃതദേഹം കത്തിക്കുകയും ചെയ്തു. സംഭവത്തിന് പിന്നാലെ അറസ്റ്റിലായ പ്രതി കുറ്റം സമ്മതിച്ചട്ടുണ്ടെന്ന് പോലീസ് അറിയിച്ചു.
Post Your Comments