കൊച്ചി: ദോശമാവിൽ നിന്ന് സീരിയൽ താരത്തിന് കിട്ടിയത് സ്വർണ്ണം. സീരിയൽ താരം സൂര്യതാരയ്ക്കാണ് കടയിൽ നിന്ന് വാങ്ങിയ മാവിൽ നിന്ന് സ്വർണ്ണ മൂക്കുത്തി കിട്ടിയത്. കാക്കനാടാണ് സൂര്യതാര താമസിക്കുന്നത്. ഏരൂരിലെ ഒരു കടയിൽ നിന്ന് തിങ്കളാഴ്ചയാണ് സൂര്യ ദോശമാവ് വാങ്ങിയത്. പിറ്റേന്ന് ദോശയുണ്ടാക്കി കഴിക്കാനെടുത്തപ്പോഴാണ് ദോശയ്ക്കുള്ളിൽ നിന്ന് മൂക്കുത്തി കിട്ടിയത്. തുപ്പൂണിത്തുറയിൽ നിന്ന് ഉണ്ടാക്കുന്നതാണ് മാവ്.
Read Also: ജനുവരി 24 മുതൽ സ്‌കൂളുകളിൽ നേരിട്ടുള്ള അധ്യയനം പുനരാരംഭിക്കും: തിരുമാനവുമായി അബുദാബി
ദോശ ഉണ്ടാക്കുമ്പോൾ മൂക്കുത്തി കണ്ടിരുന്നില്ല, എന്നാൽ കഴിക്കാനെടുത്തപ്പോഴാണ് ദോശയ്ക്കുള്ളിൽ മൂക്കുത്തിയുടെ തിളക്കം ശ്രദ്ധയിൽപ്പെട്ടത്. പരിശോധിച്ച് സ്വർണ്ണമാണെന്ന് ഉറപ്പുവരുത്തി. മാവ് പാക്ക് ചെയ്തപ്പോൾ മൂക്കുത്തി അബദ്ധത്തിൽ ഊരിവീണതാകാമെന്നാണ് അനുമാനം. കുട്ടികളോ മറ്റോ കഴിച്ചിരുന്നെങ്കിൽ മൂക്കുത്തി വയറ്റിലായേനെ എന്ന ആശങ്ക താരത്തിന്റെ അമ്മ പങ്കുവച്ചു.
Post Your Comments