മലപ്പുറം : കുറ്റിപ്പുറത്ത് കടന്നല്‍ കുത്തേറ്റ് ഒരാള്‍ മരിച്ചു. കടന്നല്‍ ആക്രമണത്തില്‍ ഗുരുതരമായി പരിക്കേറ്റ അഞ്ച് പേരെ ആശുപത്രിയില്‍ പ്രവേശിപ്പിച്ചു.
കുറ്റിപ്പുറം സ്വദേശി കോരാത്ത് മുസ്തഫയാണ് (45) മരിച്ചത്. സംഭവത്തില്‍ പതിനഞ്ചിലേറെ പേര്‍ക്ക് പരിക്കേറ്റിട്ടുണ്ട്. കുറ്റിപ്പുറം തെക്കേ അങ്ങാടി കാങ്കടപ്പുഴ കടവ് ജുമാ മസ്ജിദ് ഖബര്‍സ്ഥാനില്‍ ഞായറാഴ്ച വൈകിട്ടാണ് സംഭവം.
ഖബറിടത്തില്‍ പ്രാര്‍ത്ഥിക്കാന്‍ എത്തിയവരെയാണ് കടന്നല്‍ ആക്രമിച്ചത്. ശക്തമായ കാറ്റിനെ തുടര്‍ന്ന് കടന്നല്‍ക്കൂട്ടം ഇളകി വരികയായിരുന്നു. പ്രാര്‍ത്ഥിച്ചു കൊണ്ട് ഇരുന്നവര്‍ പള്ളിയിലേക്ക് ഓടിക്കയറി. തുടർന്ന് പള്ളിയുടെ അകത്ത് പ്രാര്‍ത്ഥിച്ച് നിന്നവര്‍ക്കും ഇതോടെ കുത്തേൽക്കുകയായിരുന്നു.
പരിക്കേറ്റ് ചികിത്സയില്‍ കഴിയവെയാണ് മുസ്തഫ ഇന്ന് രാവിലെ മരിച്ചത്. ഗുരുതരമായി പരിക്കേറ്റ മറ്റ് അഞ്ച് പേര്‍ വളാഞ്ചേരിയിലെ സ്വകാര്യ ആശുപത്രിയില്‍ ചികിത്സയിലാണ്.
Post Your Comments