കാസറഗോഡ്: കേന്ദ്ര സര്‍വകലാശാല ആര്‍എസ്എസിന്‍റെ രാഷ്ട്രീയ കാര്യാലയമാക്കിയെന്ന് രാജ്മോഹൻ ഉണ്ണിത്താൻ. പ്രദേശത്തെ എം.പി എന്ന നിലയില്‍, രാഷ്ട്രപതിയും കേന്ദ്ര മന്ത്രിമാരും പങ്കെടുക്കുന്ന ചടങ്ങില്‍ അധ്യക്ഷ പദവിയിലിരിക്കേണ്ട തന്നെ ഔദ്യോഗികമായി ക്ഷണിച്ചിട്ടില്ലെന്ന് അദ്ദേഹം പറഞ്ഞു.
Also Read:വന്ധ്യംകരണ നടപടികളില്‍ നിന്ന് കുടുംബശ്രീ യൂണിറ്റുകളെ ഒഴിവാക്കണമെന്ന് ഹൈക്കോടതി
‘കേന്ദ്ര മന്ത്രി വി.മുരളീധരന്‍ മഹാരാഷ്ട്രയില്‍ നിന്നുള്ള എം.പിയാണ്. എന്നാല്‍, കേരളത്തിലെ എല്ലാ കേന്ദ്ര പരിപാടികളിലും അദ്ദേഹമാണ് പ്രധാന അതിഥി. ഇവിടെനിന്നുള്ള എം.പിമാരെ അവഗണിച്ചുകൊണ്ട് വി.മുരളീധരന്‍ പരിപാടികളില്‍ പങ്കെടുക്കുന്നത് ശരിയല്ല’, രാജ്മോഹൻ ഉണ്ണിത്താൻ പറഞ്ഞു.
‘കേന്ദ്ര സര്‍വകലാശാല ആര്‍.എസ്.എസിന്‍റെ കാര്യാലയം പോലെയാണ് പ്രവര്‍ത്തിക്കുന്നത്. സര്‍വകലാശാല കാവിവത്കരിക്കുന്നതില്‍ ജനങ്ങള്‍ക്ക് രോഷമുണ്ട്. ആര്‍.എസ്.എസും ബി.ജെ.പിയും അറിയാതെ അവിടെ ഒന്നും നടക്കില്ലെന്ന നിലയാണ്’, ഉണ്ണിത്താൻ കൂട്ടിച്ചേർത്തു.
Post Your Comments