നിയന്ത്രണം വിട്ട സൈക്കിളിൽ നിന്ന് തെറിച്ച് വീണ് വിദ്യാർഥിക്ക് ദാരുണാന്ത്യം

പേരാവൂർ: നിയന്ത്രണംവിട്ട സൈക്കിളിൽ നിന്ന് തെറിച്ച് വീണ് വിദ്യാർഥി മരിച്ചു. ക്ലാസ് കഴിഞ്ഞ് മടങ്ങവെയാണ് അപകടം ഉണ്ടായത്. നിടുംപുറംചാൽ പീലിക്കുഴി വീട്ടിൽ പി.ജെ. റജി – അംബിക ദമ്പതികളുടെ മകൻ അലൻ ജോയി മാത്യുവാണ് മരിച്ചത്.

കൊളക്കാട് ഹയർസെക്കൻഡറി സ്കൂൾ 8-ാം ക്ലാസ് വിദ്യാർത്ഥിയായിരുന്നു. ഒപ്പമുണ്ടായിരുന്ന സഹപാഠി അനൽ മോൻ അജിക്ക് പരിക്കേറ്റു. ക്ലാസ് കഴിഞ്ഞ് കൈയിൽ പരിക്കേറ്റ് വീട്ടിൽ കഴിയുന്ന സഹപാഠിയെ കാണാൻ പോകുന്നതിനിടെ കൊളക്കാട് സ്കൂളിന് സമീപത്ത് വെച്ചായിരുന്നു അപകടം.

Read Also : യൂട്യൂബ് നോക്കി പ്രസവമെടുത്ത യുവതി ഗുരുതരാവസ്ഥയില്‍, കുഞ്ഞിന്‌ ദാരുണാന്ത്യം

സൈക്കിളിന്‍റെ നിയന്ത്രണം നഷ്ടപ്പെട്ട് ഇരുവരും റോഡിലേക്ക് തെറിച്ച് വീഴുകയായിരുന്നു. നാട്ടുകാർ ഉടൻ പേരാവൂർ സ്വകാര്യ ആശുപത്രിയിൽ എത്തിച്ചെങ്കിലും അലൻ മരിച്ചു. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നൽകും.